OSBE: Fshini nga Kodi Penal 
akuzën e shpifjes

TIRANE- OSBE i kërkon Kuvendit të amendojë sërish Kodin Penal ku vepra penale e shpifjes të hiqet fare nga ky Kod. OSBE i cilëson të pamjaftueshme ndryshimet e fundit në Kodin Penal. Përfaqësuesja e OSBE-së për median, znj. Dunja Miatoviç ishte e pranishme sot në Komisionin Parlamentar të Medias ku kërkoi që media dhe gazetarët mos penalizohen as me burg dhe as me gjoba.
Miatovic shkon dhe më tej kur kërkon të clirojë median nga cdo lloj penalizmi jo vetëm nga ana e politikanëve dhe autoritetev, por dhe nga njerëzit e thjeshtë.
“Të hiqet nocioni i shpfijes mbi median jo vetëm nga politikanët, por dhe njerëzit e thjeshte” është shprehur përfaqësuesja e OSBE.-s. Ndër amendimet që iu bënë së fundi Kodit Penal mgjithë iniciativën e opozitës për ta kaluar në kodin civil, vepra e dekriminalizimit të fyerjes dhe shpifjes mbeti sërish në Kodin penal, por me ndryshimin që tashmë nuk parashikohet më burgimi.
Ndërkohë që u caktua se masa e gjobës duhet të shkojë deri në 3 mijë lekë të reja. Një tjetër ndryshim ishte shfuqizimi i atyre neneve të kodit penal që parashikonin dënim me burg dhe gjobë në rast të shpifjes dhe fyerjes për shkak të detyrës për zyrtarët dhe Presidentin e Republikës. (ns/shqiptarja.com)

TAG:
• OSBE