OSBE: KKRT e RTSH, vegla
të qeverisë me projektligjin e ri

AUSTRI – OSBE-ka ka publikuar sot raportin vjetor mbi lirinë e mediave, dorëzuar nga përfaqësuesja për lirinë e medias, Dunja Mijatovic. Në kapitullin për Shqipërinë, shprehet shqetësimi se projektligji për veprimtarinë audio-vizive në Shqipëri rrezikon që KKRT-ja dhe RTSH-ja të mbeten instrumente të shumicës parlamentare. Mijatovic shprehet më pas se për këtë ajo ka vënënë dijeni edhe Kryeministrin Berisha.

Mijatovic, në raport, shkruan: "Më 1 mars i kam shkruar kryeministrit Sali Berisha, duke shprehur shqetësimin në lidhje me draftin e ligjit për veprimtarinë radio-vizive, duke sugjeruar se drafti i miratuar nga Komiteti i Arsimit dhe Medias, nuk ka qenë në konsensus me KKRT-në  dhe transmetuesin publik, RTSH-në. Ky projektligj rrezikon që të dy institucionet të mbeten instrumente politike të shumicës parlamentare. Zyra ime do të vazhdojë të monitorojë zbatimin e legjislacionit të ri", - shprehet Mijatovic në raportin e saj për Shqipërinë.

PERKTHEHET RAPORTI I ODIHR, MUNGOJNE DY PARAGRAFE
 
Raporti i parë i ndërmjetëm i publikuar nga zyra e ODIHR në faqen e saj në internet, është përkthyer edhe në gjuhën shqipe.
 
Ky raport është hartuar nga misioni vëzhgues i zgjedhjeve të 23 qershorit i cili po zhvillon punën e tij në Shqipëri që prej nisjes së fushatës.


 (Foto: Raporti i ODIHR)

Por në variantin e përkthyer vihet re se janë dy paragrafe që nuk pasqyrohen, krahasuar me variantin në gjuhën angleze.


 (Foto: Varianti i përkthyer në shqip i raportit të ODIHR)

Por edhe pse materiali i përkthyer saktëson se versioni zyrtar është vetëm ai në gjuhën angleze, ky lloj përkthimi mund të krijojë probleme në përballjet politike dhe debatet rreth raportit.
 
Konkretisht në variantin origjinal në hapësirën e medias në fushatë thuhet se “në 18 maj OSBE-ODIHR vendosi të krijojë grupin hetimor dhe cilësor të mediave që mbulojnë fushatën zgjedhore”. Në dokument thuhet se mediat i kanë kushtuar vëmendje mbulimit të zgjedhjeve kryesisht duke u fokusuar tek partitë e mëdha.
 
“Pavarësisht se ndalohet nga ligji, spotet e financuara nga Ministria e Mborjt4es, Ministria e Punëve Publike, Transporteve dhe telekomunikacionit, Fondi Shqiptar i Zhvillimit dhe Shërbimi Postal Shqiptar, në të cilat reklamohen arritjet e tyre, transmetohen në TVSH, Tv Klan, News 24 dhe Ora News”, shkruhet në raportin origjinal.
 
Dhe me sa duket këto paragrafë në versionin e përkthyer të raportit nuk ekzistojnë.


Redaksia online
(e.s/l.ç/ar.sh/shqiptarja.com)

TAG:
• OSBE
• OSBE-ODIHR