POP 5

Lajmet më të lexuara të 5 minutave të fundit

Kronikë

OSBE marrëveshje me policinë
shkencore për rritjen e standardeve

Prezenca e OSBE-së në Shqipëri dhe Laboratori Qendror i Policisë Shkencore të Polonisë nënshkruan sot një marrëveshje bashkëpunimi për zhvillimin e aftësive të policisë shkencore shqiptare.
TIRANË - Prezenca e OSBE-së në Shqipëri dhe Laboratori Qendror i Policisë Shkencore të Polonisë nënshkruan sot një marrëveshje bashkëpunimi për zhvillimin e aftësive të policisë shkencore shqiptare.
 
Ky partneritet synon rritjen e standardeve të punës së policisë shkencore në luftën kundër krimit të organizuar dhe terrorizmit.
 
Prezenca do ta mbështesë Drejtorinë e Policë Shkencore në përmirësimin e ekzaminimit të provave dhe të proceseve analitike. Kjo do të bëhet përmes zhvillimit të trajnimeve të standardizuara dhe blerjes së pajisjeve. Prezenca e OSBE-së do të punojë nga afër me aktorë të tjerë ndërkombëtarë për ta ndihmuar Shqipërinë në ngritjen e një baze të dhënash të AND-së dhe për akreditimin e procesimit dhe analizës, për të siguruar që vendi të plotësojë standardet më të larta të laboratorëve ndërkombëtarë të policisë shkencore.
 
“Lufta kundër krimit ndërkombëtar kërkon standarde dhe bashkëpunim ndërkombëtar. Shqipëria duhet të ketë shërbime të policisë shkencore të plota dhe të qëndrueshme”, tha Robert Ëilton, nënkryetar i Prezencës së OSBE-së në Shqipëri, i cili firmosi marrëveshjen në emër të Prezencës.
 
Robert Ëilton, nënkryetar i Prezencës së OSBE-së në Shqipëri, ne firmosjen e marrëveshjes .“Këto duhet të përfshijnë jo vetëm ekspertizën në një sërë disiplinash, por edhe aftësinë për të plotësuar standardet ndërkombëtare në mbledhjen e provave, analizimin dhe raportimin, përfshirë akreditimin”, theksoi Ëilton.
 
Nga ana polake, marrëveshja u nënshkrua nga Ëlademar Kraëczyk, drejtor i Laboratorit Qendror të Policisë Shkencore të Polonisë, i cili ndodhet në Shqipëri për të forcuar bashkëpunimin profesional dhe për të shqyrtuar aftësitë e policisë shqiptare në këtë fushë.
 
Në veprimtari morën pjesë edhe ambasadori i Polonisë në Shqipëri, Marek Jeziorski, zëvendësministri i Brendshëm Ilirjan Mustafaraj dhe Drejtori i Përgjithshëm i Policisë së Shtetit, Artan Didi.
 
Redaksia online
(ac/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Francë/ Përplasen rëndë dy tramvaje në Strasburg, 30 të plagosur (VIDEO)

Francë/ Përplasen rëndë dy tramvaje në Strasburg, 30 të plagosur (VIDEO)

11 Janar, 16:44