POP 5

Lajmet më të lexuara të 5 minutave të fundit

Politikë

OSBE: Në maj 2013 zgjidhni
një prokuror të pavaru

Ambasadori i OSBE-së, përfshihet në debatin e përfundimit të mandatit të Ina Ramës dhe deklaron se me ndryshimet kushtetuese, maji i 2013 është koha kur i përfundon mandati i kryeprokurores dhe bëhet emërimi i pasardhësit. Wollfarth: "Emrin e Prokurorit zgjidheni para fillimit të fushatës elektorale"
TIRANE - Ambasadori i OSBE-së Eugen Wollfarth përfshihet në debatin e përfundimit të mandatit të Ina Ramës dhe deklaron se me ndryshimet kushtetuese, maji i 2013 është koha kur i përfundon mandati i kryeprokurores dhe bëhet emërimi i pasardhësit. Ndërkohë që kreu i grupit PD-së, një ditë më parë, në emisionin “5 pyetje nga Babaramo” deklaroi se në nëntor nisin procedurat për emërimin e prokurorit të ri.

Menjëherë pas takimit me kryeprokuroren Ina Rama, rreth orës 12:00 Ambasadori vuri theksin te emërimi në këtë post të një personaliteti të kualifikuar dhe të pavarur dhe i bëri thirrje partive politike ta zgjedhin emrin para fillimit të fushatës elektorale.

”Është e vërtetë që ka intepretime të ndryshme. Fakt është që mandati i kryeprokurores është i kufizuar dhe jo i pakufizuar.Do të thoja që herët apo vonë, apo më mirë vonë se herët do të ketë një mundësi për të pasur një pasardhëes të Prokurorit të Përgjithshëm. Do të ishte shumë e rëndësishme që këto muaj dhe jo javë të përdoren për të kërkuar një personalitet të kualifikuar që të jetë në gjëndje të kryejë këtë punë sa më kërkuese dhe të pavarur. Do të shfrytëzoja rastin t'i bëj thirrje partive politike të shfyrtëzojnë kohën për të kërkuar një person të përshtatshëm dhe ta bëjnë jashtë fushatave politike. 2013 ka për të qenë një vit gjithë lëvizje. Por gjithashtu pas hyrjes në fuqi të ndryshimeve kushtetuese, në maj 2008,  maji i 2013 mbetet koha kur do të bëhet ndërrimi i prokurorit. Të shfrytëzohet kjo kohë për të përzgjedhur një personalitet të kualifikuar”- tha ambasadori Wollfarth sot rreth orës 12:00 në një prononcim për median jashtë ambienteve të Prokurorisë së Përgjithshme, menjëherë pas takimit me kryeprokuroren.  

Në fjalën e tij Wollfarth këmbënguli në faktin që personi që do të ulet në postin e Prokurorit të Përgjithshëm duhet të jetë i kualifikuar. Madje vlerësoi së tepërmi punën e kryeprokurores Ina Rama për të ruajtur pavarësinë e këtij institucioni. “Vazhdoj të mbetem i impresionuar nga puna e Ina Ramës e cila ka drejtuar këtë zyrë prej vitesh dhe që në kohë shumë të vështira u ka kushtuar rëndësi elementeve të pavarësisë së institucionit”.

OSBE: ME RENDESI BASHKEPUNIMI MINISTRI PROKURORI PER 21 JANARIN
Kreu i OSBE-se pranoi se me zonjën Ina Rama u disktua dhe për çështjen e 21 janarit. "Folëm dhe për 21 janarin. Do të thoja që ne kemi mbështetur punën investigative. Deri tani investigimet janë kryer nga prokuroria. Në emër të OSBE-së ka ende hapësirë për t’i mbështetur ata por së pari prorkurori duhet të punojë me shtetin shqiptar dhe ministritë kjo do ta përshpejtonte procesin që do të ishte shumë e rëndësishme". Wollfarth vlerësoi se mbetet me rëndësi kryerja e reformës në drejtësi dhe pavarësia e institucioneve.
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Rasti Stormy Daniels, dënohet Trump, por nuk do të shkojë në burg

Rasti Stormy Daniels, dënohet Trump, por nuk do të shkojë në burg

10 Janar, 16:21