OSBE:RTSH larg qeverisë
duhet të reformohet

TIRANE-Reformimi i RTSH,  heqja e impaktit të qeverisë dhe rikthimi i kësaj media tek publiku shqiptar,ishin temë e tryezës që OSBE organizoi me përfaqsues të qeverisë .
 
Gjatë këtij takimi OSBE theksoi domosdoshmërinë e një media të pavaruar ndërkohë që raporti  për median , i bërë publik nga ky organ nënvizonte se KKRT dhe RTSH rrezikojnë të mbeten instrument të politikës. 
 
 “Nevojitet nje konsensus i gjerë politik dhe OSBE është gati të ofrojë ekspertizë për dizanjimin e një transmetuesi modern në Shqiperi. Do ofrojmë ndihmë në forcimin e një media të pavaruar në Shqipëri”-u shpreh përfaqësuesi i OSBE-së, Robert Wilton
 
Ndërkohë që përsa i përket zbatimit të  projketligjit për transmetimet pozita e opozita ndajnë mendime të kundërta.

“Në përgjithësi lajmet e TVSH-së janë të karakterizuara nga një natyrë protokallare i raportimit të gjërave jo gjithmonë me interes për publikun që nuk përbëjnë lajm. Janë aspekte burokartike dhe kjo nuk ka ndryshuar as 3 muajt e fundit"-shprehet Genc Pollo, kryetar i Komisionit të Medias.
 
Ndërsa për drejtorin e Institutit të Medias Remzi Lani, RTSH përfaqëson publikun dhe duhet ti jap llogari vetëm atij.
 
“Nesër Komisioni i Medias do të fillojë seancën dëgjimore me kandidatë dhe Këshillin drejtues të RTSH. Ky është një test për ata që kandidojnë, por dhe për mazhorancën dhe opozitën për të dëshmuar se çfarë vizioni kanë për TVSH-në. Duhet një institucion të pavarur që përfaqëson publikun dhe i jep llogari publikut".

 Raporti i mëparshëm i OSBE citonte si shqetësues miratimin e projektligjit për transmetimet ku drafti nuk ishte miratuar me konsensensusin e paleve.

Redaksia Online
(azh/shqiptarja.com)

TAG:
• OSBE