POP 5

Lajmet më të lexuara të 5 minutave të fundit

Politikë

OSBE: Shtyrja e zgjedhjeve është proces i ndërlikuar, çfarë të mire do sillte sot?

Ambasadori i OSBE Bernd Bochardt ka pritur në një takim përfaqësues të partive të vogla për të diskutuar në lidhje me zhvillimet e fundit politike. Bochardt u shpreh se duhet të gjendet një zgjidhje për situatën, dhe se ndryshimi i datës së zgjedhjeve do t'i komplikonte më tepër gjërat.

OSBE: Shtyrja e zgjedhjeve është proces i ndërlikuar, çfarë të mire do sillte sot?

Ambasadori i OSBE në Shqipëri, Bernd Borchardt ka zhvilluar mesditen e sotme një takim me partitë e vogla, kryefjalë e së cilës kanë qenë zhvillimet e fundit politike. Borchardt ka përsëritur deklaratën e tij, se ndërkombëtarët nuk do të ndërhyjnë që palët të gjejnë një zgjidhje, pasi sipas tij, janë partitë politike që duhet të gjejnë zgjidhjen më të mirë. Në fjalën e tij, ambasador i OSBE ka theksuar se ndërkombëtarët kanë dhënë disa propozime, por "fjalën e fundit" do e thonë vetë partitë.

Duke bërë një analogji me situatën politike në vitin 2007, ku u shtynë zgjedhjet, Borchardt u shpreh se një proces i tillë është komplikuar që të realizohet, e ndërsa ngriti pyetjen se "çfarë të mire, mund të sillte ky vendim".

"Të mendojnë për një zgjidhje, dhe kjo zgjidhje duhet gjetur në Shqipëri. Ka shumë mënyrë për të gjetur një zgjidhje, por u takon atyre dhe partive të tjera politike që të bien dakord për njërën prej tyre. Kjo nuk na takon neve. Ne i nxitim partitë politike të ecin përpara, të gjejnë zgjidhje dhe ne jemi ata që mund të japin ekspertizë se cilat zgjidhje mund të funksionojnë dhe si mund të funksionojnë. Por se cila do të ishte zgjidhja e mirë për një vend… ky është një vendim sovran. Ne vetëm mund të këshillojmë për funksionimin e këtyre zgjidhjeve. Për momentin kemi një datë zgjedhjesh, 30 qershorin. Pikë. Ndryshimi i datës është një proces i ndërlikuar. Sigurisht që shtyrja e zgjedhjeve ndodhi në 2007-n, por a është kjo një zgjidhje e mirë? Kjo është diçka që duhet ta vendosin aktorët politikë në vend. Pastaj, vetëm shtyrje? Çfarë do të ndryshonte kjo", tha Borchardt.

Takimi me Borchardt, erdhi pak pasi këto parti nënshkruan marrëveshjen e koalicionit opozitar zgjedhor, me qëllim krijimin e një qeverie tranzitore pa Ramën kryeministër, që sipas tyre do të garantojë zhvillimin e zgjedhjeve të lira.

B.K./G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

17 Shkurt, 16:55