POP 5

Lajmet më të lexuara të 5 minutave të fundit

Kronikë

OSBE trajnon policinë për zgjedhjet
Didi: Bëni detyrën, jo bindje politike

Policia e Shtetit do të bëjë trajnime të veçanta për të garantuar sigurinë në zgjedhjet lokale të 21 Qershorit. Drejtori i Përgjithshëm i Policisë së Shtetit Artan Didi tha se në këtë proces uniformat blu duhet të jenë në krye të detyrës dhe të mos ndikohen nga bindjet personale politike VIDEO FOTO
OSBE trajnon policinë shqiptare: Të respektohen të drejtat e njeriut
OSBE trajnon policinë për zgjedhjet<br />Didi: Bëni detyrën, jo bindje politike
TIRANE - Policia e Shtetit do të bëjë trajnime të veçanta për të garantuar sigurinë në zgjedhjet lokale të 21 Qershorit. Drejtori i Përgjithshëm i Policisë së Shtetit Artan Didi tha se në këtë proces uniformat blu duhet të jenë në krye të detyrës dhe të mos ndikohen nga bindjet personale politike.
 
“Policia është e depolitizuar dhe detyrat i kryen në përputhje të detyrës. Nuk duhet harruar se polici duhet të kryejë detyrën e paanshme pavarësisht bindjeve të tij politike”, u shpreh Didi.
 
Trajnimet do të kryhen edhe për nivelin drejtues të Policisë së Shtetit, para dhe gjatë procesit zgjedhor. Ky trajnim do të bëhet nga Prezenca e OSBE-së në vendin tonë. Sipas Didit, trajnimi i forcave blu do të ndikojë në rritjen e kapaciteteve profesionale por edhe në mbështetjen me bazë materiale që do t’i jepet policisë
 
“Lë të konfirmojë se policia e Shtetit do të jetë promotor i vlerave më të mira të një shoqërie demokratike. Të gjithë të jemi të privilegjuar që ligji na jep detyrën për të ruajtur të drejtën e votës”, përfundoi Didi.
 
artan didi

I pranishëm në këtë konferencë ishte edhe kreu i prezencës së OSBE-së në vendin tonë, ambasadori Forian Raunig dhe nënkryetari i Komisionit Qendror të Zgjedhjeve, Denar Biba.
 
“Ju jeni Policia e Shtetit dhe në ditën e zgjedhjeve urimi më i mirë është të mos ju shohim ngjyrën, mos t’ju dëgjojmë zërin, duhet të na bëni të ndihemi të sigurt pa u dukur. Të na jepni siguri atë ditë pa u dukur, si një prezencë magjike, e shenjtë, ashtu siç ju jeni. “Policia qoftë me ju” është një shprehje shumë e këndshme”, tha Biba.

Në fazën e parë të trajnimit në datat 24-27 mars do të marrin pjesë 110 zyrtarë të nivelit të lartë e të mesëm të policisë, përfshirë zëvendësdrejtorët e përgjithshëm, drejtorët e qarqeve, drejtorët e policisë kufitare dhe të emigracionit, si dhe shefat e komisariateve.

Më pas, Prezenca e OSBE-së do të trajnojë 6 grupe trajnuesish, të cilat do ta shtrijnë trajnimin te rreth 6 300 punonjës policie, deri më 30 prill. 

Redaksia Online
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lufta/ Hamasi e mirëpret një armëpushim mes Izraelit dhe Hezbollahut

Lufta/ Hamasi e mirëpret një armëpushim mes Izraelit dhe Hezbollahut

26 Nëntor, 07:16