OSBE: Zbatimi i ligjit për mbetjet, i 
ngadaltë, keni 1.1 mln t mbetje në vit

DURRËS - Vendi ynë prodhon një volum prej 1.1 mln ton mbetjesh në vit dhe pjesa më e madhe nuk shkojnë në vend depozitimet përkatëse, por hidhen në mjedis. Ky është konstatimi i Zv/kryetar i Prezencës së OSBE-së në Shqipëri Robert Wilton i shprehur në tryezën e përbashkët me ministrinë e mjedisit. Wilton thekson se zbatimi i ligjit ecën me ritme të ngadalta.
 
“Çdo vit Shqipëria prodhon më shumë se 1.1 milion ton mbetje urbane. Jo të gjitha mbetjet shkojnë në vendet e depozitimit të parë. Shumë prej mbetjeve hidhen në një mënyrë jo të ligjshme në lumenj mirëpo zbatimi na mungon.”- tha Robert Wilton ,Zv.kryetar i Prezencës së OSBE-së në Shqipëri.
 
Duke folur mbi situatën mjedisore në vend, zv/ministria e Mjedisit Oljana Ifti, tha se krahas masave të marra, administrimi i mjeteve urbane ndodhet në një situatë emergjente, duke kërkuar bashkëpunim e të gjithë palëve.

“Është një emergjencë që unë e theksoj sa herë e kam mundësinë. Emergjencë për ndërhyrje. Ministria e Mjedisit dhe qeveria vazhdon ta konsiderojë një nga prioritetet më kryesore në politikat kryesore”-tha Oljana Ifti zv/Ministre e Mjedisit.
 
Ngritja e një enti rregullator për menaxhimin e mbetjeve të riciklueshme dhe përcaktimin e trifave sipas të pranishmeve, do ti jepte një zgjidhje përfundimtare keqmenaxhimit të mbetjeve urbane e ngurta.

Redaksia Online
(a.h/shqiptarja.com)

TAG:
• OSBE