POP 5

Lajmet më të lexuara të 5 minutave të fundit

Kronikë

OSHEE: Riparimi i defekteve drejt
fundit, po punohen dhe për 8 fidera

Riparimi i defekteve në linjat dhe nënstacionet e OSHEE-së të cilat u dëmtuan nga moti i keq i dy ditëve të fundit po shkojnë drejt përfundimit. Sipas Operatorit të Shpërndarjes së Energjisë Elektrike, po vijon puna për riparimin e 8 fiderave të mbetur, nga 192 në total që u dëmtuan si pasojë e stuhisë që goditi vendin mesnatën e së shtunës.
Riparimi i defekteve në linjat dhe nënstacionet e OSHEE-së të cilat u dëmtuan nga moti i keq i dy ditëve të fundit po shkojnë drejt përfundimit. Sipas Operatorit të Shpërndarjes së Energjisë Elektrike, po vijon puna për riparimin e 8 fiderave të mbetur, nga 192 në total që u dëmtuan si pasojë e stuhisë që goditi vendin mesnatën e së shtunës.

Po ashtu sipas njoftimit për shtyp të OSHEE, mësohet se të gjithë hidrovoret dhe nënstacioni 110 kV dhe 35 kV po punojnë normalisht. Sakaq janë vetëm disa zona në Fier, Burrel dhe Shkodër që kanë ende probleme. Konkretisht zonat me probleme janë:

Fieri: Levan, Dermenas, Selenice, Amonice, Babicë dhe Lagja "11 Janari" 
Burreli: Gurre e Madhe, Gurre e Vogel dhe Cerrunje 
Shkodër: Koman, Kaçinar, Mide dhe Zues

Ora 16.00 OSHEE: 90% e situatës e normalizuar, 16 fidera me defekt

Pas motit të keq me reshje të dendura shiu dhe era të forta që përfshiu vendin të dielën, ku disa nga linjat dhe nënstacionet e OSHEE pësuan avari të shumta, kjo e fundit deklaron se rreth 90 % e situatës është normalizuar.
 
Sipas administratorit të OSHEE Adrian Çela i cili inspektoi këtë të hënë punimet për rregullimin e defektit të shkaktuar nga era e fortë dhe rrëzimi i pemëve, ku u dëmtuan 7 shtylla, pranë zonës të Kompleksit Dinamo, nga 192 fidera të dëmtuar, aktualisht janë me defekt rreth 16 fidera.

oshee
 
Çela u shpreh se aktualisht ka ende probleme me defektet në zonat shumë periferike, kryesisht, në Dibër dhe Kukës, për shkak të rrëshqitjeve të dheut të cilat kanë sjellë dëmtime në disa shtylla. Probleme ka edhe në zonat periferike të Tiranës si në Zallbastar. Ndërkohë po punohet për riparimin e defektit në nënstacionin e Komanit.
 
Sipas një njoftimi të Operatorit të Shpërndarjes së Energjisë Elektrike deri në orën 14.30 janë me defekt vetëm 16 fidera që furnizojnë me energji kryesisht zonat rurale. Në zonat e Tiranës dhe Durrësit janë riparuar të gjitha defektet dhe nuk ka mungesë energjie.

oshee

Sakaq OSHEE bën me dije se zonat në të cilat ka ende probleme janë:

Berat: Potom dhe Tomorricë
Fier: Levan, Dermenas, Selenicë, Amonicë, Babicë dhe Lagja “11 Janari” në Fier
Burrel: Gurrë e Madhe , Gurrë e Vogël dhe Cërrunjë 
Shkodër: Koman, Kacinar, Kallmë dhe Midë.

Ora 11.20 OSHEE: Po punohet, 34 fidra me defekt, hidrovoret janë në punë 

Kompania e shpërndarjes së Energjisë elektrike thekson se janë 34  fidra me defect që shkaktojnë mosfurnizimin me energji elektrike të një pjesë të rretheve në vend
 
Sipas OSHEE kryesisht problematike janë zonat rurale ndërkohë që 10 drejtoritë rajonale kanë angazhuar 1650 punonjës për  stabilizimin e situatës. OSHEE në njoftimin e saj thekson që të gjithë spitalet furnizohen me energji dhe të gjithë hidrovoret janë në punë.
 
Ja njoftimi i plotë i OSHEE
Sipas përditësimit të informacioneve nga terreni, mëgjesin e sotëm, e hënë 23 nëntor, rreth 34 fidra në tensionin e lartë dhe të mesëm vijojnë të jenë me defekt, nga 192 ne total, pjesa më e madhe mbulojnë me energji zonat rurale.
 
Në linjat 35 kV defektet janë si më poshtë:
Vijon të jetë me defekt linja 35 kV Shijak – Ndroq.
Ka dëmtim të shkarkuesave 35 kV në n/stacionin Rrëshen dhe n/stacionin Koman.
Vijon të jetë me defekt linja Radhimë – Orikum.
Një fidër i dëmtuar në n.stacionin Elbasan 4.
 
Në linjat e tensionit të ulët 20 kV,10 kV, 6 kV n/stacionet  pa energji janë:
 
Tiranë: Zall Bastar, Sauk, Shëngjergj, Shupal
Durrës: Shkozet, Xhafzotaj, Manzë
Berat: Potom, Tomorricë
Fier: Levan, Xhuherinë, Dermenas, Mifol, Selenicë , Seman.
Burrel: Gurrëz, Macukull, Zenisht, Cërrunjë, Klos.
Shkodër: Koman, Kacinar, Kallmet.
Korcë: Velcan, Voskopojë, Vithkuq, Miras, Pojan
 
Vazhdon puna nga brigadat e mirëmbajtjes për kthimin në gadishmëri të nenstacionit Shkozet  dhe zëvendesimin e transformatorit të dalë jashtë pune.
 
Redaksia Online
(u.s/shqiptarja.com)

 
 
 
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Moti i keq/ Era e fortë përmbys kamionin tek ura e Milotit

Moti i keq/ Era e fortë përmbys kamionin tek ura e Milotit

13 Janar, 15:35