Osmani në homazhet e ish-sekretares së shtetit: Falënderues për kontributin e Albright për t’i dhënë fund gjenocidit serb në Kosovë

Presidentja Vjosa Osmani dhe kryeministri Albin Kurti morën pjesë në homazhet në nder të ish-sekretares së Shtetit, Madeleine Albright. Osmani shkruan se do të jenë gjithmonë falënderues për kontributin që ka dhënë Albright për t’i dhënë fund gjenocidit serb në Kosovë.

“Sot, në Washington D.C., i dhamë lamtumirën e fundit mikes së madhe të Kosovës, gardianes së lirisë e demokracisë dhe zërit të fuqishëm të popullit tonë, Madeleine Albright. Jemi përgjithmonë falënderues për kontributin e jashtëzakonshëm të sekretares Albright për t’i dhënë fund gjenocidit serb në Kosovë, si dhe mbështetjes së saj të vazhdueshme për Kosovën e lirë, të pavarur, të zhvilluar e me vendin e merituar në arenën ndërkombëtare. Sekretarja Albright e njohu dhimbjen e popullit tonë, e ne do ta vazhdojmë përpjekjen e saj, për ta avancuar dhe për ta mbrojtur demokracinë! Miqësinë me Amerikën e kemi të përjetshme, siç do ta kemi kujtimin për Sekretaren Albright”, shkruan Osmani.

Lajmi kryesor:

Bota nderon ish-sekretaren Madeleine Albright, Biden: Ndryshoi rrjedhën e historisë, ndihmoi në ndaljen e gjenocidit në Ballkan! Të pranishëm Kurti e Osmani

SI.E./Shqiptarja.com

TAG:
• Vjosa Osmani
• Albin Kurti
• Joe Biden
• SHBA
• Madeleine Albright