Osmani pret në takim ministren e Jashtme të Suedisë: OSBE rol të rëndësishëm në Kosovë

KOSOVË- Raportet mes Kosovës dhe OSBE-së, ka qenë tema e diskutimit mes takimit të presidentes Vjosa Osmani dhe ministres së Jashtme të Suedisë, Ann Linde. Për Osmanin, OSBE ka një rol të rëndësishëm në Kosovë që prej viteve 90’.

Osmani vuri theksin në vazhdimësinë e raporteve mes dy vendeve, sidomos në aspektin e fuqizimit të grave në vendimmarrje.

 “Në cilësinë e udhëheqëses së OSBE-së, sot Ministrja e Punëve të Jashtme të Suedise, Ann Linde, vizitoi Kosovën. Në takimin që kishim, diskutuam për rolin e rëndësishëm të OSBE-së në Kosovë që nga vitet e 90-ta e deri më sot. Kam potencuar rëndësinë e avansimit të përfaqësimit të Kosovës në këtë organizatë si dhe përpjekjet tona për fuqizim të shtetësisë sonë dhe të interesit të qytetarëve tanë nëpërmjet anëtarësimit në organizata ndërkombëtare. Duke pasur parasysh prioritetin e Suedisë që fuqizimi i grave në procese të paqes dhe sigurisë të jetë në fokus, diskutuam edhe për rëndësinë e pjesëmarrjes dhe vendimmarrjes së grave në këto procese”, shkruan Osmani.

LEXO EDHE:
Vuçiç e quan 'hipokrit' reagimin e ndërkombëtarëve për ndalimin e qytetarëve të Kosovës

SI.E./Shqiptarja.com

TAG:
• kosove
• Vjosa Osmani