Presidentja e Kosovës, Vjosa Osmani, ka kërkuar ndihmën e Shteteve të Bashkuara (SHBA) për përshpejtimin e proçesit të anëtarësimit të Kosovës në Organizatën e Traktatit të Atlantikut Verior (NATO), gjatë një takimi me senatorin amerikan, Jack Reed, të martën në Prishtinë.
Zyra e Presidentes ka njoftuar se gjatë takimit Osmani ka theksuar se Kosova është një histori suksesi e përfshirjes së SHBA-së në rrugën e lirisë dhe shtetndërtimit.
“SHBA-ja nuk ka aleat dhe mik më të madh në rajon se sa Republikën e Kosovës, e cila e ka popullin më pro-amerikan në Evropë dhe në botë”, tha Osmani.
Osmani ka falenderuar Reed për mbështetjen e SHBA-së për Forcën e Sigurisë së Kosovës, në përfshirjen e Kosovës në Asistencën e Trajnimit Ushtarak të SHBA-së me Ligjin e Autorizimit të Mbrojtjes Kombëtare të vitit 2024.
Presidentja tha se synimi i Kosovës mbetet anëtarësimi në NATO, po ashtu edhe në Këshillin e Evropës dhe në BE.
“Kosova synon për anëtarësim në NATO dhe përfshirje në Partneritet për Paqe, ndaj është e rëndësishme edhe e domosdoshme mbështetja e SHBA-së në përshpejtimin e këtij proçesi. Shpresa jonë është që Kosova të jetë sa më parë në Partneritet për Paqe si hap që i paraprin anëtarësimit në NATO”, tha Osmani.
Ajo tha se Kosova ka bërë hapa për shtensionimin e situatës në veriun e vendit “por, ka vënë në dukje veprimet destabilizuese të Serbisë dhe bashkëpunimin e saj me Rusinë”.
“Kosova është shtet multietnik, Kushtetuta e së cilës garanton nivel të lartë të mbrojtjes së të drejtave dhe lirive të të gjitha komuniteteve dhe se këto të drejta dhe liri, janë thelbi i vlerave të shoqërisë së Kosovës dhe si të tilla duhet të mbeten të paprekura”, tha Osmani.
Lajme të tjera
-
Kina thotë se SHBA-ja po 'luan me zjarrin', për shkak të mbështetjes së Tajvanit
22 Dhjetor, 15:15 -
Qeveria e Kosovës, bonus 100 euro për pensionistët dhe për fëmijët deri në moshën 16 vjeç
22 Dhjetor, 12:30 -
Musk konfirmon funksionalizimin e Starlink-ut në Kosovë - çfarë do të thotë kjo?
22 Dhjetor, 11:52 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28 -
Elon Musk njofton: Starlink tashmë është edhe në Kosovë
21 Dhjetor, 21:45 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Biden nënshkruan ligjin për financimin e qeverisë, shmanget mbyllja e pjesshme e saj
21 Dhjetor, 19:23 -
Bazë e re ushtarake e SHBA-së në Poloni! Sistemi i ri për mbrojtjen nga raketat përforcon krahun lindor të NATO-s
21 Dhjetor, 18:42 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
BE-ja shpreson për progres në integrimin e serbëve pas zgjedhjeve në Kosovë
21 Dhjetor, 16:47 -
Spahiu: Të gjitha partitë opozitare në Kosovë janë afruar më shumë me Shqipërinë sesa Vetëvendosja!
21 Dhjetor, 16:44 -
Qeverisje me duar jo edhe aq të pastra në Kosovë
21 Dhjetor, 16:04
