POP 5

Lajmet më të lexuara të 5 minutave të fundit

Arkiva

OST, projekte për fuqizimin e rrjetit të transmetimit të energjisë

  TIRANE, 19 Gusht/ATSH/- Operatori i Transmetimit të Energjisë (OST) po zbaton projektin e fuqizimit të rrjetit të Transmetimit 110 kV të Jugut, që pritet të përfundojë në fund të vitit 2015. Ky projekt përfshin ndërtimin e linjës dyfishe 110 kV Vlorë-Sarandë, rreth 105 km e gjatë, linjës 110 kV Ersekë -Përmet rreth 55 km […]
TIRANE, 19 Gusht/ATSH/- Operatori i Transmetimit të Energjisë (OST) po zbaton projektin e fuqizimit të rrjetit të Transmetimit 110 kV të Jugut, që pritet të përfundojë në fund të vitit 2015.
Ky projekt përfshin ndërtimin e linjës dyfishe 110 kV Vlorë-Sarandë, rreth 105 km e gjatë, linjës 110 kV Ersekë -Përmet rreth 55 km e gjatë, rikonstruksionin e linjës 110 kV Korçë-Ersekë, 36 km e gjatë, rikonstruksionin e linjës 110 kV Përmet-Këlcyrë-Memaliaj-Ballsh-Fier dhe qarkun e dytë të linjës 110 kV Zemblak - Korçë.
Gjithashtu projekti përfshin dhe fuqizimin e nënstacionit 400/110 kV Zemblak me fuqi 150 MVA.
Projekti që është në fazën e zbatimit, do të jetë në operim të plotë në fund të vitit 2015, falë një kredie të qeverisë gjermane, nëpërmjet bankës KfW.
Një projekt i ri që do të zbatojë OST është ndërtimi i linjës së Interkonjeksionit 400 kV Tirana2-Kosova B, me gjatësi 242 km, prej së cilës 162.5 km do të jetë linjë e re dhe 80.5 km linjë si plotësim i qarkut të dytë në pjesën e parë të linjës së përfunduar Tiranë-Podgoricë.
Në territorin e Shqipërisë kjo linjë ka gjatësinë prej 155.5 km.
Projekti është në fazën e fillimit të zbatimit dhe mendohet të përfundojë për 24 muaj. Financimi i projektit bëhet nga qeveria gjermane nëpërmjet bankës KfW./n/m/ /m.m/

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59