POP 5

Lajmet më të lexuara të 5 minutave të fundit

Arkiva

P/buxheti 2015: Financime për bizneset femërore dhe ato Start Up

TIRANE- Për SME-të innovative, ku përfshihen mbi 100 biznese femërore dhe mbi 400 biznese të reja, Buxheti i shtetit ka llogaritur për t'i mbështetur me fonde përgjatë vitit 2015.
Nëpërmjet buxhetit 2015, MZHETS synon rritjen e konkurrueshmërisë dhe zhvillimit të SME-ve me fokus, inovacionin.
Kështu gjatë vitit 2015 do të krijohet Fondi për mbështetjen e mbi 100 bizneseve të udhëhequra nga gratë përmes kredive me interesa të ulëta, deri në 50%.
Një Fond grant për Start Up-et do të mbështesë rreth 400 biznese të reja (start up), që do të menaxhohet nga AIDA.
Një tjetër fond i ri me grante parashikohet të mbështesë 470 biznese krijuese sidomos në fushën e artizanatit.
Për rritjen e konkureshmërisë në tregjet e huaja të SME-ve, ministria e Zhvillimit ekonomik llogarit që mbi 250 kompani të përfitojnë grante nga Fondi i Konkurrueshmërisë.
Referuar vitit bazë 2013, MZHETS parashikon që numri i të punësuarve të ketë në vitin 2020 një rritje prej 40 %, ose 116 mijë vende të krijuara në sektorin privat jo-bujqësor. P/buxheti 2015 ka përfshirë politikat buxhetore, që krijojnë klimë pozitive për zhvillimin e biznesit, rritjen e konkurrueshmërisë së SME-ve, krijimin e vendeve të reja të punës.
/ATSH/

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55