Aleanca për Ardhmërinë e Kosovës nuk e do Isa Mustafën për Kryeministër me arsyetimin se ai ka dështuar në Prishtinë dhe është model i keq i qeverisjes.
Madje, sipas AAK-së, modeli i qeverisjes së Isa Mustafës është më i keq se ai i Hashim Thaçit.
Këshilltari Kryesor i Ramush Haradinajt, Avni Arifi, duke iu përgjigjur kërkesave të Degëve të LDK-së se kjo parti duhet të ketë Kryeministrin, ka thënë se AAK nuk pranon në asnjë formë të heqë dorë nga pozita e Kryeministrit.
“Ndryshimi nga qeverisja Thaçi në qeverisjen çfarë e kemi pa në Prishtinë nuk i duhet Kosovës”, thuhet në përgjigjen e Avni Arifit.
Ditë më parë Mustafa dhe Haradinaj bashkë edhe me liderët e Vetëvendosjes dhe Nismës, kanë diskutuar më shumë se një orë e gjysmë për rishikimin e marrëveshjes së Bllokut, por nuk kanë arritur te një marrëveshje e re.
Redaksia Online
(g.f/shqiptarja.com)
![](https://www.shqiptarja.com/template/img/sh_logo1.png)