Për çfarë u mblodh kolegji dje?
Kolegji Zgjedhor u mblodh për shqyrtimin e kërkesës së Partisë Socialiste të depozituar të shtunën, e cila kërkonte shpalljen e pavlefshmërisë së procesit të rinumërimit të votave për Qarkun e Lezhës. Ai vendosi dje që procesi i rinumërimit të votave për këtë qark ishte i pavlefshëm, ashtu sikurse ka qenë edhe vendimi i KQZ për pranimin e kërkesave të partive për pavlefshmëri të zgjedhjeve. Këto vendime duan 5 vota.

Çfarë pritet që të shqyrtojë Kolegji?
Në kolegj është dhe kërkesa e LSI për pavlefshmëri të zgjedhjeve në Kukës si dhe kërkesa ankimore që ka depozituar kandidati i pavaruar në Qarkun e Fierit, Dritan Prifti, i cili ka kërkuar pavlefshmëri të zgjedhjeve në qarkun e Fierit. Por gjithashtu mbetet në fuqi ende kërkesa e Partisë Socialiste që pavlefshmëri të zgjedhjeve në qarkun e Lezhës dhe mundësisë së rivotimit në këtë qark.