TIRANE - Dalja në shesh e Partisë Demokratike ka qenë gjithmonë një problem brenda saj. Kryetari i PD-së, Lulzim Basha në fillim të mandatit të tij në krye të demokratëve kërkoi që partia e tij të mos dilte në protesta, gjë e cila lidhej edhe me mosbojkotimin e Kuvendit.

Po përplasja e tij me Berishën bëri që t’i bindej ishkryetarit të tij, në mënyrë që të mos krijonte armiqësi brenda partisë me personin më të fuqishëm aktualisht. Kjo gjë ndodhi në muajin shkurt. Berisha gjatë një seance plenare nxori nga seanca të gjithë deputetët e tij, duke theksuar se ishte ushtruar dhunë verbale ndaj tyre.