POP 5

Lajmet më të lexuara të 5 minutave të fundit

Kronikë

Pagë shtesë për 9300 mjekë e
infermierë, 9 ditë para zgjedhjeve

Rreth 9 300 mjekë e infermierë të shërbimit parësor do të përfitojnë brenda muajit qershor të këtij viti një pagë shtesë. Ky shpërmbim vjen për këtë kategori mjekësh e infermierësh të qendrave shëndetësore, pikërisht 9 ditë para zgjedhjeve të 23 qershorit.
TIRANE- Rreth 9 300 mjekë e infermierë të shërbimit parësor do të përfitojnë brenda muajit qershor të këtij viti një pagë shtesë. Ky shpërmbim vjen për këtë kategori mjekësh e infermierësh të qendrave shëndetësore, pikërisht 9 ditë para zgjedhjeve të 23 qershorit.
 
Por, sipas Drejtores së Fondit të Sigurimeve Shëndetësore dhe Qendrave Shëndetësore, Elvana Hana, kjo pagë shtesë për mjekët e parësorit vjen si rezultat i reformës në këtë sector, që I jep atyre të drejtën e 2 pagave shtesë në vit.
 
Për bonuset e 6-mujorit të parë të 2013-ës parashikohet të shpërndahen rreth 357 milionë lekë bonuse ose rreth 37 milionë lekë më shumë se në të njëjtën periudhe të vitit të kaluar.
 
Tashmë fondet për shpërblimet janë në llogaritë bankare të Qendrave Shëndetësore, të cilat urdhërohen të shpërdojanë bonuset brenda muajit qershor.
 
Nga ky fond përfitojnë rreth 9 350 punonjës të Qendrave Shëndetësore, nga të cilët rreth 2000 mjekë familje e të përgjithshëm dhe specialistë, 6 600 infermierë dhe 750 punonjës të tjerë, sanitarë, shoferë, ekonomistë.
 
Hana shpjegon se bonusi për mjekët dhe infermierët përcaktohet në bazë të realizimit të treguesve të performancës dhe cilësisë së punës së tyre.
 
Sipas vlerësimeve të Fondit të Sigurimeve Shendetësore për treguesit e 6-mujorit të parë të vitit 2013, janë 421 qendra shëndetësore të kujdesit parësor që do të përfitojnë deri në një page shtesë në bazë të numrit të vizitave të realizuara dhe treguesve të cilësisë.
 
Për 6-mujorin e parë të vitit 2013, sipas këtij Fondi, treguesit e cilësisë kanë pësuar rritje, sa i takon evidentimit të herët të rasteve dhe mbajtjes nën kontroll të sëmundshmërisë kronike.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Pamjet mbresëlënëse, Parku i Drilonit nën petkun e dëborës

Pamjet mbresëlënëse, Parku i Drilonit nën petkun e dëborës

13 Janar, 10:31