Ndërsa po nisej për në Soçi, për të takuar presidentin rus Putin, Kryeministri izraelit Benjamin Netanyahu mohoi kategorikisht se ka spiunuar celularin e Donald Trump.
"Ne kemi një linjë direktive, nuk spiunojmë Shtetet e Bashkuara dhe nuk ka asnjë përjashtim. E gjitha kjo është një Fake News”
Sipas një investigimi kryer nga ‘Politico’, janë gjetur aparate që mund të përgjonin telefonatat e vetë presidentit amerikan, i cili ka një celular privat dhe shpesh nuk respekton protokollet e sigurisë.
Administrata Trump ende nuk ka protestuar kundër qeverisë izraelite dhe kjo e fundit nuk ka pasur pasoja të këtij veprimi.
Përkundrazi: "Unë nuk mendoj se izraelitët na kanë spiunuar. Do të ishte e vështirë të besohej. Gjithçka është e mundur, por unë nuk e besoj", tha presidenti Donald Trump.
Sipas “Politico”, Shërbimi sekret izraelit ishte ndoshta përgjegjës për vendosjen e pajisjeve të përgjimit të gjetura pranë Shtëpisë së Bardhë dhe në disa vende të tjera të rëndësishme në Washington DC.
Pajisjet e përgjimit, "me gjasë kishin për qëllim të spiunonin Presidentin Donald Trump", shkruante “Politico”.
Disa ish-zyrtarë të lartë amerikanë të Sigurisë Kombëtare thanë se
‘nga analiza që u është bërë pajisjeve nga Byroja Federale e Hetimit dhe agjencitë e tjera amerikane, ka rezultuar që ato janë të vendosur nga agjentë izraelitë”.
Lajmi i rëndë vjen në një kohë kur në Izrael do të zhvillohen në 17 shtator zgjedhjet e përgjithshme, fushata elektorale e të cilave është karakterizuar nga tensionet në Jordani në lidhje me një projekt aneksimi të kryeministrit izraelit.
Para pak ditësh sirenat e një sulmi të mundshëm me raketa e detyruan Benjamin Netanyahu, të ndërpresë fjalimin që po mbante para mbështetësve të partisë së tij Likud.
Dyshohet se dy raketat palestineze, që u interceptuan dhe asgjesuan nga sistemi i mbrojtjes anti-raketë Iron Dome, ishin një lloj paralajmërimi për Netanyahu-n, i cili, vetëm pak ditë më parë, në një takim në Ramat Gan, afër Tel Aviv-it, i premtoi votuesve të tij aneksimin e Luginës së lumit Jordan, duke shtrirë sovranitetin e Izraelit mbi vendbanimet hebraike në Bregun Perëndimor.
Lajme të tjera
-
Minxhozi: Diplomatët perëndimorë, si po e ndihmon Kina Vladimir Putinin në pushtimin e Ukrainës
2 Korrik, 10:38
-
Joe Biden kritikon vendimin e Gjykatës së Lartë për imunitetin presidencial
2 Korrik, 09:28 -
Aleati i Trumpit, Steve Bannon fillon vuajtjen e dënimit me burgim për shpërfillje
1 Korrik, 22:39 -
Gjykata e Lartë për imunitetin e Trump: Presidentët gëzojnë imunitet për aktet zyrtare, jo për ato jo-zyrtare
1 Korrik, 17:45 -
Sondazhi i CBS/ 72% mendojnë se Biden s’është i aftë mendërisht për president
1 Korrik, 15:08 -
Zgjedhjet presidenciale në SHBA, 'New York Times' i kërkon Bidenit të tërhiqet nga gara
29 Qershor, 08:19 -
'Nuk debatoj më aq mirë si dikur!' Biden pranon mangësitë, por deklaron: Trump do ta shkatërrojë demokracinë tonë unë do ta mbroj
29 Qershor, 07:05 -
Zelensky: Po përgatisim 'planin' për t'i dhënë fund luftës me Rusinë
28 Qershor, 21:43 -
Demokratët në panik nga paraqitja e dobët e zotit Biden në debatin e parë presidencial
28 Qershor, 16:50 -
Debati i parë presidencial Biden- Trump i mbushur me gabime! Presidenti akuzon rivalin për pagesat ndaj aktores pornografike, ish-Presidenti i kujton të birin e dënuar
28 Qershor, 07:21 -
SHBA/ Presidencialet e 5 nëntorit, sonte debati Biden-Trump
27 Qershor, 13:41 -
Trump: BE-ja duhet të paguajë një pjesë më të madhe të kostove të konfliktit në Ukrainë
26 Qershor, 11:51
