Pajtim Bello: Albpetroli, një
“çek i bardhë” për qeverinë
Ish-zëvendësministri i Ekonomisë, Pajtim Bello, deklaroi dje për median se privatizimi i Albpetrolit në formën aktuale, me shitje 100 për qind të aksioneve, është i pajustifikuar ekonomikisht, por dhe ligjërisht.
TIRANE- Me shitjen e gjithë aksioneve të ndërmarrjes së fundit shtetërore të naftës një subjekti privat, ligjërisht hidhet një hap i gabuar, sepse fushat e dhëna në marrëveshjet koncensionare të Albpetrolit quhen të privatizuara. Pra, quhen të privatizuara si asete, që janë dhënë në përdorim edhe fushat, por nuk janë shitur fushat, siç shiten në këtë rast. Ka deklaruar kështu dje për Top Channel ish-zëvendësministri i Ekonomisë Pajtim Bello, një njohës i mirë i procesit të privatizimeve në vend.
STRATEGJIA"E parë në tërësi, është e pajustifikuar dhe nuk ka asnjë lloj arsye që të bëhet ky privatizim, përveçse të mendojmë që në këtë privatizim ka disa lloj prapaskenash, të cilat shqiptarët do t'i shohin gradualisht, në procesin e privatizimit. Kjo, pasi të gjithë e morën vesh që është i vetmi rast, kur do të shiten 100 për qind të aksioneve, sikurse nuk ka ndodhur kurrë në sektorin strategjik", tha Bello.
KONTROLLI Pak ditë më parë, ministri i Ekonomisë, Nasip Naço, deklaroi se shteti nuk mund të kontrollojë marrëveshjet ekzistuese koncensionare, të dhëna për vendburimet e naftës. Pajtim Bello tha se, pas kësaj deklarate, ministrit dhe qeverise nuk i mbetet tjetër, veçse të japë doreheqjen.
"Të deklarosh një gjë të tillë, duhet të pranosh se ke humbur kontrollin në fushën që drejton, pra vetë ministri e ka humbur, por e ka humbur edhe qeveria. Kontrolli humbet në dy raste, ose kur ministri është i paaftë, ose kur trysnia politike dhe interesat që rrinë pas politikës janë shumë të forta. Mund të ndodhin të dyja, të koordinuar këta faktorë dhe, me sa duket, në këtë rast janë edhe paaftësia, edhe trysnia politike", tha Bello.
DYSHIMET Sipas Bellos, shitja e Albpetrolit pa specifikuar vendburimet është një rast pa precedent, që lidhet me prapaskena politike apo përfitime të dyshimta.
"Siç u pa në Kuvend, u votua një aneks, në një letër të bardhë, pra një aneks i pashkruar, që shtohej në ligj, aneksi C. Këtu kulmon një degjenerim politik institucional i maxhorancës dhe i vetë Parlamentit, sepse është si t'i japësh një çek të bardhë dikujt që ta përdorë. Aneksi C është një çek i bardhë për ministrin, për qeverinë apo për dike, që pret të marrë 100 për qind të aksioneve të Albpetrolit", tha Bello.
CMIMIMe një Vendim të Këshillit të Ministrave, vlera e 100 për qind të aksioneve të kompanisë shtetërore të naftës Albpetrol, shpallej në masën totale prej rreth 94.5 milionë eurosh. Kjo shifër është shumë më e vogël se të gjitha vlerësimet e bëra nga vendasit e nga ndërkombëtarët. Por, qeveria ka thënë se blerësi do të fitonte edhe të drejtat që lindin nga marrëveshjet koncensionare të lidhura nga Albpetroli në emër të shtetit, që rritin vlerën e kompanisë.
(sg/shqiptarja.com)
Sondazhi i ditës:
Çfare prisni nga sesioni i ri parlamentar?
-
Dialog
23.3%
-
Debat
47.3%
-
Nuk e di
29.5%
Vota total: 146
Votat totale janë unike
Lajme të tjera
-
Ndërron jetë ushtari i Ukrainës në Prizren, policia nis hetimet
31 Gusht, 22:38
-
'Ti flet gjuhën serbe', Vuçiç përplaset me presidentin malazez në forumin e Pragës, ja si i përgjigjet Milatoviç
31 Gusht, 22:31
-
‘Busti i Skënderbeut në Itali, si portreti i Ramës’, Balla i përgjigjet Berishës: Mendja gjë e madhe
31 Gusht, 22:08
-
Superliga/ Trajneri serb debuton me fitore, Partizani 'kap' Egnatian në krye! Skënderbeu mposht 1-0 Vllazninë, paqe në Laç
31 Gusht, 22:00
-
Cilat janë 3 ushqimet që veprojnë si antidepresantë
31 Gusht, 21:59
-
Burri e leu me benzinë dhe i vuri flakën, reagon ministrja e Shëndetësisë: Mjekët po bëjnë më të mirën për Melisën
31 Gusht, 21:53
-
Çfarë duhet ta trandi realisht Shqipërinë?!
31 Gusht, 21:32
-
NATO kërkon angazhimin e plotë të Kosovës në procesin e dialogut: Jeni zotuar se s’do të ndërmerrni veprime të pakoordinuara
31 Gusht, 21:25
-
Suksesi në 'Paris 2024', Sahit Prizreni konfirmohet në postin e Presidentit të Federatës Shqiptare të Mundjes
31 Gusht, 21:19
-
Mero Baze: PD betejë ligjore t'i rikthejë portin “Kurum”-it
31 Gusht, 21:01
-
Vuçiç: Serbia nuk ka gjasa të anëtarësohet në BE në vitin 2028
31 Gusht, 20:51
-
Itali/ Zbardhet dëshmia e anëtarit të ekuipazhit të jahtit që u fundos në Palermo: Zgjova kapitenin, anija u anua, u përpoqëm t'i shpëtonim të gjithë
31 Gusht, 20:33