Paketa e Rezistencës Sociale, Rama replika me komentuesin: Për atë protestë turpi nuk lëvizja as gishtin e vogël të dorës

Kryeministri Edi Rama ka replikuar me komentuesit në Facebook, ku shpjegon se masat e marra për përballimin e krizës të prodhuar nga lufta në Ukrainë, nuk erdhën si pasojë e protestave.

Rama e cilëson edhe njëherë protestat si 'turp kombëtar', teksa shton se për atë protestë 'nuk do të lëvizja as gishtin e vogël të dorës'.

"Për atë proteste turpi nuk lëvizja as gishtin e vogël të dorës unë, po qoftë për krizën e energjisë që e kam paralajmëruar kur disa thoshin kjo është lojë dhe qofte për krizën e çmimeve nga lufta për të cilën e lajmërova që në fillim të javës së shkuar paketën e mbështetjes, qeveria është vënë në lëvizje kur ata që protestojnë sot flinin gjumë! Sa për protestën ajo është një turp kombëtar, i organizuar nga sharlatanë e delirantë që kujtojnë se u erdhi ora dhe i furnizuar me njerëz nga nongratat e shpallur e të pashpallur, një amalgamë qeniesh që atdheun e dinë shesh për të bërë përshesh, e që e bënë Shqipërinë të vetmit vend në botën demokratike, ku protestohet për çmimet që rriti lufta, tamam siç do t'i donte Kremlini të tëra sheshet e Europës sot, ku të tjerët protestojnë kundër luftës në Ukrainë, e jo për pasojat e para të saj mbi çmimet!", shkruan Rama.

LEXO EDHE:
Rama mbledh të martën deputetët dhe ministrat në Kryesinë e Kuvendit! Porosia: Të mos ketë mungesa

 

Lajmi kryesor:

Protesta kundër rritjes së çmimeve, Rama: Janë një turmë që ndjekin Foltoren e fallxhoren! Mendoj për popullin, aq sa s'më zë gjumi kur ju flini

TAG:
• rritja e cmimeve
• Protesta
• edi rama