Ministri i Brendshëm Taulant Balla zhvilloi një takim me trupën drejtuese dhe nxënësit e gjimnazit “Abaz Shehu” në qytetin e Tepelenës, ku informua rreth zbatimit të masave të paketës së sigurisë në shkolla dhe problematikave të mundshme në këtë institucion të arsimit të mesëm.
Ministri Balla vlerësoi nivelin e zbatimit të masave të paketës së sigurisë dhe u kërkoi gjimnazistëve që për çdo problem negativ, sidomos tentativave për shpërndarje lëndësh narkotike, të vinin në dijeni drejtuesit e shkollës, ose policinë.
Pasi u njoh me gjendjen e shkollës dhe masat e marra, ministri Balla kërkoi që të rinjtë gjimnazistë të raportojnë në polici çdo person që tenton t'i tërheqë drejt rrugës së përdorimit të lëndëve narkotike.
“Ju kërkoj, si një shembull i mirë që nuk e njihni fenomenin e konsumimit të drogave, të vazhdoni ta ruani këtë sjellje. Duhet të jeni realisht shumë të përkushtuar në marrëdhëniet me drejtuesit e shkollës, edhe me oficerin e sigurisë, që çdo tentativë keqbërësi që kërkon t’ju tërheqë në rrjetën e përdorimit të lëndëve narkotike, t’ua komunikoni drejtuesve të shkollës, oficerit të sigurisë, por edhe punonjësve të policisë”- tha Balla.
Sa i përket rrezikut të fenomenit të konsumit të lëndëve narkotike, Balla nënvizoi se “përdorimi i lëndëve narkotike dëmton shëndetin tuaj, por edhe financat e familjeve tuaja, e ju shkëput marrëdhënien me shkollën, me aktivitetet sportive.”
Ministri theksoi se lufta kundër fenomeneve negative, kriminale, kërkon angazhimin e secilit, për të qene e suksesshëm.
“Policia ka bërë një punë të shkëlqyer për të ndaluar çdokënd që tenton të bëjë biznes me shëndetin tuaj, me jetën tuaj. Por vigjilenca duhet të jetë dhe ne nuk mund ta fitojmë këtë betejë nëse nuk kemi mbështetjen tuaj. Sepse ju shikoni gjithçka dhe e dini fare mirë, çdo rast kur dikush bie pre e këtyre kontakteve dhe këtyre keqbërësve,” – u shpreh Ministri.
Në këtë takim mori pjesë edhe Drejtori i Përgjithshëm i Policisë së Shtetit Muhamet Rrumbullaku., i cili në apelin për gjimnazistët, nënvizoi se duhet të raportojnë në polici çdo shqetësim që kanë për fenomenin e përdorimit të lëndëve narkotike.
“Do të kërkoj që ju, përmes kontakte me mësuesit ose drejtpërdrejt me punonjësit e policisë, të transmetoni te në gjithçka nga shqetësimet e juaja që kanë të bëjnë jo vetëm me fenomenet e përdorimit të narkotikëve, drogave, por edhe më çështjen e bullizimit, problematikave që keni ju vetë si nxënës”- tha Rrumbullaku.
Drejtuesit e gjimnazit “Abaz Shehu” shpjeguan se kanë një bashkëpunim shumë të mirë me strukturat lokale të policisë. Prej 3 vitesh kanë në shërbim një oficer sigurie në shkollë dhe se patrulla të policisë janë të pranishme në mëngjes, para fillimit të mësimit dhe më pas gjatë pushimit të madh. Drejtuesit e shkollës sqaruan gjithashtu se kanë një sistem modern kamerash për ambjentet e brendshme dhe për ato të jashtme që përfshijnë edhe pjesë të perimetrit të sigurisë në shkollë. Ato bënë me dije se nuk ka problem të përdorimit të drogës në këtë gjimnaz.
Në këtë takim të Ministrit Balla, ishin edhe autoritet lokale, Kryetari i bashkisë Tepelenë Tërmet Peçi, përfaqësues të qeverisë së nxënësve etj.
Lajme të tjera
-
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Gjirokastër/ 'Më jep paratë!" Kërcënoi me thikë dhe plagosi të moshuarën për ta grabitur, arrestohet 43-vjeçarja! Dyshohet se vuan nga probleme të shëndetit mendor
20 Nëntor, 15:33 -
Gjirokastër/ Falsifikim dhe mashtrim, Prokuroria kërkon 6 vite burgim për ish-kreun e Kadastrës dhe nga 4 vite izolim për 2 bashkëpunëtorët e tij! Do përfitojnë gjykim të shkurtuar
19 Nëntor, 17:10 -
Kundër pr/buxheti 2025, dështon protesta e PD-së para Kuvendit! Zgjati më pak se 2 orë, Berisha kishte bërë thirrje të vazhdonte deri kur të bëhej votimi
19 Nëntor, 16:11 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
Sot ndeshja Shqipëri - Ukrainë, Policia e Shtetit publikon planin e masave të ndërmarra! Ja rrugët që do të bllokohen
19 Nëntor, 12:16 -
Trafik emigrantësh dhe mallra kontrabandë, në pranga shefi i krimeve në Gjirokastër e 4 të tjerë! VIDEO kur efektivi arratiset me vrap (EMRAT)
18 Nëntor, 20:31
-
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë
18 Nëntor, 18:48 -
Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje (VIDEO)
17 Nëntor, 22:21 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39
