Paketa fiskale i "dhuroi" në
janar 2016, 47 mln euro shtetit

TIRANË - Ka shënuar një rezultat të ndjeshëm pozitiv administrata fiskale gjatë muajit janar. Rezultatet e 31 ditëve të para të vitit flasin për të ardhura në arkën e shtetit, që janë 25 përqind më të larta se në muajin janar të vitit të kaluar. Duke kaluar në 32.3 miliardë lekë, nga 22.7 miliardë një vit më parë. Kështu, Financat sigurojnë një sasi shtesë,krahasuar me vjet, prej rreth 47 milionë eurosh.

Shifër jashtëzakonisht të lartë kanë shënuar të ardhurat nga biznesi i vogël, që shkojnë në favor të pushtetit vendor, me një rritje në masën 428 përqind ndaj një viti më parë. Ndërkohë, një rritje spektakolare vihet re në tatimfitimin e ndërmarrjeve, që realizuan në janar 151% më shumë të ardhura në buxhet se në vitin 2015.