POP 5

Lajmet më të lexuara të 5 minutave të fundit

Akuzat e opozitës/ Rama: Gati 17 çështje gjyqësore me Fabrikën e Shpifjeve! PD: Nuk kemi frikë

Kryeministri Edi Rama dhe Jorida Tabaku

Kryeministri Edi Rama shprehet se 17 çështje gjyqësore janë në proces për akuzën e shpifjes, nga të cilat për 10 prej tyre pritet vetëm data e seancës. Referuar opozitës, Rama thotë se cështjet gjyqësore i ka me Fabrikën e Shpifjeve. Kreu i qeverisë shton se 44 çështje të tjera janë rrugës.

"17 çështje gjyqësore me Fabrikën e Shpifjeve, janë tanimë në proces dhe për 10 prej tyre pritet vetëm data e seancës. Më në fund do fillojnë të dalin para gjykatës dhe të shohim, a do nxjerrin prova a do nxjerrin lekë për të blerë libra shkollat, 44 çështje të tjera janë rrugës" shkruan Rama.

Por pas statusit të kryeministrit Edi Rama ka ardhur menjëherë reagimi i Partisë Demokratike përmes deputetes Jorida Tabaku. Demokratja shkruan se opozita nuk frikësohet nga gjyqet dhe shumica nuk do të arrijë që ti mbyllë gojën. Ajo thotë se u qëndron të gjitha akuzave që ka bërë për qeverinë, ndërsa mbyll reagimin duke thënë se në 20 mars do të jetë seanca e radhës ku do ti mbrojë akuzat me argumente.

"Asnjë hap pas! Kush mendon se frikëson opozitën me gjyqe e presionin e gjykatës duhet ta dijë që ajo nuk thyhet. Kush mendon që do mbyllë gojën e opozitës për të fshehur të vërtetën, nuk e ka kuptuar që fundi i çdo tiranie është i keq. Opozita nuk I frikësohet askujt, aq më tepër atij që I frikësohet qytetarëve dhe fshihet në protesta.

Personalisht i qëndroj çdo akuze të drejtuar ndaj qeverisë. Nga inceneratorët e deri tek lojërat e fatit. Rilindja gjeti 890 pika të basteve dhe gjatë qeverisjes së saj ato shkuan 4200. Pika dhe kompani që zotëroheshin nga grupe kriminale për të cilat nuk heshtëm dje dhe nuk do të heshtim as në gjykatë. Me datë 20 Mars seanca e rradhës. Do shkoj me argumenta e prova ashtu si kam folur gjithmonë në politikë, nuk kam në dorë as presionin e vettingut dhe as pushtetin por të vërtetën" shkruan Tabaku.

Çështjet gjyqësore janë në kuadër të paketës anti-shpifje (lexo ketu). Edi Rama ka ngritur në Partinë Socialiste Departamentin Antishpifje, i cili do të padisë në gjykatë këdo politikan, media apo përdorues rrjetesh sociale që shpif ndaj funksionarëve të PS-së. Sipas Ramës, paratë e fituara nga këto gjyqe do të kalojnë në Fondin e Edukimit në PS, për t'u investuar në shkolla e çerdhe (lexo ketu).

d.ba./al.sp.
Komento

Komente

  • Unë: 02/03/2019 11:59

    Normale që nuk i trembeni askujt ASHA grabiti me SALIUN 200milion € dhe nuk shkoi në gjyq, SALIU dhe banda vran 4 njerëz, dogjën një fshat të tërë Gërdecin prap nuk shkuan në gjyq.. SI DO TREMBENI JU NGA GJYQE PËR SHPIFJE?? PLEHRA.

    Përgjigju