TIRANË- “Bujqësia nuk mund të konsiderohet sektor prioritar në rast se i ul buxhetin dhe i shton taksat”. I këtij mendimi është kryetari i Agrobiznesit në vend, Agim Rrapaj.
“Projektbuxheti është 2% më i ulët, dhe ulja e buxhetit në një kohë krize, pandemie kur thua se është një sektor prioritar nuk ka sens. Kur i ul një sektori prioritar buxhetin nuk është më i tillë”, thotë Rrapaj.
Buxheti i përcaktuar për Ministrinë e Bujqësisë për vitin që vjen ështënë vlerën e 12.736 miliardë lekëve, me një ulje prej 419.96 milionë lekë nga viti aktual.
“Ka një ulje të ndjeshme të investimeve në infrastrukturën e ujitjes me mbi 55%, kemi ulje fondesh për peshkimin, tek konsolidimi i tokës”, pohon ai.
Sa i takon paketës fiskale, që synon heqjen e rimbursimit të TVSH-së për fermerët dhe vendosjes së tarifës 10% për inputet bujqësore, Rrapaj thotë se propozimet nuk janë konsultuar dhe pasojat do të jenë të rënda.
“Po të shikosh paketën fiskale është mjaft e papritur për ne, ajo ka impakt të drejtpërdrejt negativ me 1.75 miliardë lekë. Fakti që nuk u bë asnjë studim paraprak, një këshillim paraprak dhe nuk u mor mendimi i ekspertëve që njohin fushën, që të shikohej opinioni dhe të diheshin dëmet që sjell kjo paketë, na solli këtu ku jemi”, deklaron kreu i agrobiznesit.
Por, ç’do të thotë për bujqësinë miratimi i kësaj pakete fiskale?
“Do të thotë rritje çmimesh, ulje fitimi, largim masiv nga zonat rurale, do të thotë informaliteti më i madh, dhe nëse ne hyjmë në një Ballkan të hapur hyjmë pa këmishë. TVSH është dëmtuese sa i takon formalizimit të fermerëve, është instrumenti i vetëm që formalizon fermerët dhe tregun, dhe ishte plaga më e madhe që ne kishim”, tha ai.
Heqja e rimbursimit të TVSH-së për bujqësinë nga 6% që është në 0%, sipas Rrapajt do të rrisë edhe çmimet për qytetarët.
“10% është e padiskutueshme por parashikimet janë për 20% dhe mbi të”, sqaron Rrapaj.
Rezerva prodhuesit kanë edhe për tarifën për qumështin pluhur.
“Tarifa që është vendosur për qumështin është e palogjikshme, se nuk ndikon tek prodhuesit e qumështit të freskët në Shqipëri, përkundrazi ndikon negativisht tek përpunuesit e qumështit por edhe tek prodhuesit e produkteve analoge”, tha ai.
Kritika ka edhe Dhoma e Tregtisë dhe Industrisë, në Tiranë e cila thotë se kjo paketë fiskale u shton barrën fiskale prodhuesve.
Lajme të tjera
-
Buxheti për Bujqësinë rritet vetëm me 6,7 milionë euro më 2025-ën, në rënie financimi i huaj
3 Nëntor, 16:47
-
Zbulohet vatër e gripit të shpendëve në Tiranë! Ministria: Vatra u karantinua! Ndalohet lëvizja e shpendëve nga fermat Vorë dhe Kamëz
2 Nëntor, 09:28 -
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21 -
Hyn në fuqi skema e re 5 mln euro për bujqësinë, shteti grant 50% të investimit në serat diellore! Financim për rrjetat anti-breshër kush mbjell mbi 1 hektar
27 Shtator, 22:26
-
Ministria e Bujqësisë kërkon 2 mln euro garanci sovrane për fermerët! Sektori më i nënfinancuar punëson mbi 565 mijë persona
21 Shtator, 07:44
-
Vendimet e qeverisë/ Miratohet 'Skema Kombëtare e Investimeve në ferma', Denaj: 50 % grant për fermerët, aplikimet nisin nga 1 tetori
18 Shtator, 12:21 -
Denaj në Komisionin për Ekonominë dhe Financat: Prodhimi organik, prioritet për të ardhmen e bujqësisë shqiptare
16 Shtator, 12:01 -
Bujqësi, Veterinari dhe Teknologji Ushqimore, Denaj fton të rinjtë t’i drejtohen shkollave profesionale
10 Shtator, 09:46 -
‘Baxhot përdorin vaj palme’, Denaj i përgjigjet opozitës: E pavërtetë, analizat u bënë në Çeki! Do ulim me 10% TVSH për importin e mishit për sallam
9 Shtator, 13:11
-
Denaj te Ligjet: Ndryshime në ligjin për shërbimin veterinar garanton gjurmueshmërinë në zinxhirin ushqimor
9 Shtator, 12:36 -
'Bujqësia'/ Prenga: Të mbrohen produktet vendase, jo teste me lodra kineze! Rrapaj: Të subvencionohen fermerët! Muçaj: S’jemi në konkurrencë të ndershme
5 Shtator, 20:25 -
Në tetor çelet skema kombëtare e investimeve në Bujqësi! Denaj: Po jepen fondet për fermerët që aplikuan për skemën
4 Shtator, 19:39
