PAKISTAN- Persona të armatosur kanë sulmuar dy autobusë, duke vrarë të paktën 19 pasagjerë, në provincën Balochistan. Sipas autoriteteve militantët e paidentifikuar janë larguar menjëherë nga vendi i ngjarjes me automjetet e tyre duke udhëtuar për në Karaçi.

Para momentit të sulmit ndaj tyre, pasagjerët u urdhëruan të zbrisnin nga autobusi dhe më pas u qëlluan për vdekje, thanë zyrtarët. Provinca e Balochistan kohët e fundit ka pasur konflikte të ndryshme midis separatistëve dhe forcave të sigurisë.

Deri tani asnjë grup nuk ka marrë përsipër sulmin ndaj dy autobusëve, ngjarje e cila ka ndodhur në afërsi të qytetit të Mastung, në jug të kryeqytetit provincial, Quetta. Sipas informacioneve "njerëzit e armatosur ishin kamufluar me uniformat e forcave të sigurisë".


Redaksia Online
(d.a/Shqiptarja.com)