POP 5

Lajmet më të lexuara të 5 minutave të fundit

Bota

Pakistani dhe Kina mbajnë stërvitjen më të madhe detare

Marina pakistaneze dhe ajo kineze mbajnë stërvitjen e tyre detare më të madhe ndonjëherë në pjesën veriore të Detit Arabik për të rritur bashkëpunimin e sigurisë dhe për të përmirësuar nivelin e trajnimit luftarak dypalësh

Pakistani dhe Kina mbajnë stërvitjen më të madhe detare

Pakistani dhe Kina duke mbajtur stërvitjen më të madhe detare

Marina pakistaneze dhe ajo kineze mbajnë stërvitjen e tyre detare më të madhe ndonjëherë në pjesën veriore të Detit Arabik për të rritur bashkëpunimin e sigurisë dhe për të përmirësuar nivelin e trajnimit luftarak dypalësh.

Marina e Pakistanit përmes një deklarate njoftoi se stërvitja e përbashkët detare Sea Guardian-3, që përfshin anije detare, nëndetëse dhe nëndetëse shpëtimi, filloi të shtunën me një ceremoni në kantierin detar të Karaçit.

Flotilja kineze e përbërë nga anije detare, helikopterë, avionë luftarakë, një nëndetëse dhe një nëndetëse shpëtimi, së bashku me një detashment të Korpusit të Marinsave, mbërritën në Karaçi për të marrë pjesë në stërvitje, raporton media turke Anadolu.

Gjatë stërvitjes, fregatat sulmuese së bashku me mjetet ajrore dhe pajisjet tjera, si dhe marinsat dhe forcat speciale nga marina pakistaneze dhe kineze, do të kryejnë stërvitje të përbashkëta dhe manovra detare të nivelit të avancuar në pjesën veriore të Detit Arabik, përveç aktiviteteve profesionale dhe sociale gjatë fazave që zhvillohen në port.

Sipas njoftimit, qëllimi është shkëmbimi i përvojave profesionale mbi kërcënimet bashkëkohore tradicionale dhe jotradicionale në rajonin e Oqeanit Indian, si dhe rritja e bashkëpunimit dypalësh dhe ndërveprimit midis dy marinave.

Stërvitja është një “reflektim i bashkëpunimit të fortë ushtarak dypalësh” midis dy marinave dhe do të “nxisë një bashkëpunim më të madh dypalësh”.

Stërvitja shtatë-ditore, e treta e serisë së saj, do të mbarojë më 17 nëntor

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça