POP 5

Lajmet më të lexuara të 5 minutave të fundit

Kronikë

Pakti për Universitetin/ Një grup pedagogësh të Filologjisë dalin kundër, paralajmërojnë edhe grevë: Po na cënohet puna

Në një letër publike ata thonë se këto VKM cënojnë punën e profesoratit. VKM-të e firmosura nga firmosura Edi Rama, janë pjesë e Paktit për Universitetin, një platformë me 12 pika që synon përmirësimin e arsimit të Lartë në Shqipëri.

Pakti për Universitetin/ Një grup pedagogësh të Filologjisë dalin kundër, paralajmërojnë edhe grevë: Po na cënohet puna

Foto ilustruese

Një grup pedagogësh të Fakultetit të Historisë dhe Filologjisë paralajmërojnë se në datën 21 janar do të ketë një greve për të kërkuar shfuqizimin e ligjit për Arsimin e Lartë. Lonkretisht bëhet fjalë për një të tretën e pedagogëve akademik, pjesë e Asamblesë së Personelit Akademik që japin mësim tek Histori-Filologjia që kërkojnë anulimin e ligjit, si edhe kundërshtinë për VKM-të e firmosura nga Rama në 26 dhjetor 2018. Në një letër publike ata thonë se këto VKM cënojnë punën e profesoratit. VKM-të e firmosura nga firmosura Edi Rama, janë pjesë e Paktit për Universitetin, një platformë me 12 pika që synon përmirësimin e arsimit të Lartë në Shqipëri. Ky pakt u publikua nga qeveria si përgjigjie për kërkesat e studentëve.

LETRA E PLOTË

Asambleja e Personelit Akademik të Fakultetit të Historisë dhe të Filologjisë, e mbledhur sot më datë 18 janar 2018, me kërkesën e një të tretës së personelit akademik, në përputhje me nenin 45 të Statutit të Universitetit të Tiranës, diskutoi mbi gjendjen e krijuar në universitetet publike të vendit dhe rikonfirmoi përkrahjen për kërkesat e studentëve, duke dënuar çdo formë presioni ndaj tyre. Asambleja kërkonː
1. Abrogimin e Ligjit për Arsimin e Lartë, si shkaktari kryesor i gjendjes aktuale të krijuar në institucionet e Arsimit të Lartë.
2. Shpreh kundërshtinë me aktet nënligjoreː
˗ VKM˗të e datës 26 dhjetor 2018ː Nr.777, Nr.781, Nr.783, si dhe
˗ urdhrat e Kryeministrit të datës 26 dhjetor 2018ː Nr.183, Nr.184, Nr.185 dhe Nr.186.
Këto akte dhe urdhra cenojnë rëndë autonominë e IAL-ve dhe liritë akademike të profesoratit, në këto pika:
a. Autonominë në vlerësimin e punës shkencore dhe të karrierës akademike.
b. Liritë akademike të profesoratit në përcaktimin e përmbajtjes së njohurive që jepen në auditor.
c. Shkelin plotësisht konventat europiane për autonominë universitare dhe liritë akademike.
3. Kërkojmë ndalimin e fushatës denigruese dhe të përbaltjes masive të trupës akademike universitare nga aktorë politikë dhe qeveritarë, që synon intimidimin e fjalës së lirë.
4. Kërkojmë të sanksionohet me ligj statusi i pedagogut.
5. Në përgjigje të kërkesës së Asamblesë së personelit akademik të Fakultetit të Shkencave Sociale, Universiteti i Tiranës, propozojmë që përfaqësues të asambleve të personelit akademik të Universitetit të Tiranës të mblidhen për të koordinuar veprimet e mëtejshme.
6. Për të tërhequr vëmendjen urgjente ndaj këtyre kërkesave, Asambleja vendosi të shpallë ditën e hënë, datë 21 janar 2019, një ditë grevë paralajmëruese të pedagogëve të Fakultetit të Historisë dhe të Filologjisë.

Asambleja e Fakultetit të Historisë dhe të Filologjisë

Letra e një grupi pedagogëve të Filologjisë

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Matis filologjik: 18/01/2019 20:03

    Pse nuk i vini emrat more pedagoge te cnderuar, se nuk mund te jeni te nderuar. Por me duket se keni harruar, pervec Mark Markut dhe Agron Gjonmarken Tupen.

    Përgjigju
  • Tirona: 18/01/2019 18:36

    Shtoni dhe nje pike tjeter:ndalimin e fushates denigruese te pedagogeve nga ana e studenteve.

    Përgjigju
  • Ermal: 18/01/2019 17:55

    Dora e Mark Markut dhe Agron Gjonmarkajt.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51