TIRANE- Ndërtimi i pesë kullave te diga e Liqenit Artificial do të ndërpritet përfundimit, pasi Apeli i Gjykatës Administrative i ka pezulluar lejen firmës “Gener 2”. Vendimi i marrë ditën e djeshme nga Gjykata i jep të drejtë Inspektoratit Ndërtimor Urbanistik për bllokimin e punimeve dhe vendos pezullimin e lejes së dhënë nga Bashkia e Tiranës.

Ndërkohë që i është pezulluar leja e ndërtimit firma “Gener 2”, ka rifilluar punimet mëngjesin e djeshëm. Disa mjete të rënda janë parë duke gërmuar brënda territorit ku priteshin të ngriheshin pesë pallate, pavarsisht se ka një vendim për mosvazhdimin e punimeve. Ja 6 pyetjet që shpjegojnë mënyrën si është dhënë leja për pesë pallate te diga e liqenit dhe pse janë pezulluar punimet.