POP 5

Lajmet më të lexuara të 5 minutave të fundit

Politikë

Panairi i librit në Torino, Rama:
Prania e Shqipërisë, e rëndësishme

Stenda e Shqipërisë në panairin Ndërkombëtar të Librit që po zhvillohet në Torino, ka tërhequr shumë vizitorë. Kryeministri Rama e vlerësoi këtë Panair dhe praninë e Shqipërisë në të si një mundësi e rëndësishme për të thelluar njohjen dhe zgjeruar kontaktet mes dy kulturave.  VIDEO
Panairi i librit në Torino, Rama:<br />Prania e Shqipërisë, e rëndësishme
TORINO- Stenda e Shqipërisë në panairin Ndërkombëtar të Librit që po zhvillohet në Torino, ka tërhequr shumë vizitorë. Njëri prej tyre, ka qenë edhe kryeministri Edi Rama, i cili ndal u gjatë në stendën dedikuar letërsisë shqipe, ku janë ekspozuar botime të autorëve shqiptarë të përkthyer në gjuhën italiane, si dhe një numër titujsh në shqip. Kryeministri e vlerësoi këtë Panair dhe praninë e Shqipërisë në të si një mundësi e rëndësishme për të thelluar njohjen dhe zgjeruar kontaktet mes dy kulturave.
 
“Është kënaqësi e veçantë që para kësaj stende mund më në fund të gjesh guidën e vetme në italisht të Tiranës dhe Shqipërisë, një punë e përbashkët e një shqiptari dhe një italiani. Një kënaqësi të dëgjosh edhe fjalët e presidentit të Panairit dhe të të tjerëve, për  këtë nevojë për të vazhduar për të punuar së bashku dhe për të zgjeruar bashkëpunim mes nesh në mënyrë që letërsia dhe kultura shqiptare të njihet edhe më shumë e të jetë edhe më shumë e arritshme në Itali dhe anasjelltas”, u shpreh kryeministri Rama.  
 
Kryeministri Edi Rama gjatë panairit zhvilloi një takim me Kryetarin e Bashkisë së Torinos, Piero Fassino. Pas takimit me Fassino, njëherësh edhe një nga politikanët e lartë të Partisë Demokratike Italiane, Kryeministri Rama u drejtoi një thirrje publike shqiptarëve në Itali të bëhen pjesë e të kontribuojnë në procesin europian të zgjedhjeve për Parlamentin Europian.
 
 “Jo vetëm Shqipëria ka nevojë për Europën, por edhe Europa sot ka nevojë për shqiptarët e Italisë. Shqiptarët e Italisë duhet vërtet të mos e lënë t’u ikë kjo mundësi që kanë për të votuar në zgjedhjet evropiane. Dhe, pa asnjë dyshim, të votoni për Partinë Demokratike Italiane që është e vetmja forcë e madhe, e re, e këtij vendi që ka nevojë për energjinë dhe kurajën e Matteo Renzi-t”, tha Rama.
 
Panairi Ndërkombëtar i Librit në Torino ku Shqipëria prezantohet me stendën e saj, është eventi kulturor më i madh në Itali dhe ndër më të njohurit në Europë. 
 
Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51