Panairi, nxënësit sjellin artizanin
qindra vjecar të Beratit të lashtë 

Të ushqesh tek brezat e rinj kuriozitetin e dashurinë për kulturën. Me këtë qasje, në qytetin muze të Beratit u çel panairi i Trashëgimisë Kulturore “Unë kujdesem për Trashëgiminë”, me objekte arti e artizani që janë pjesë e vlerave kulturore të qytetit të lashtë.

Për herë të parë, nxënësit e shkollave 9-vjeçare dhe të mesme të qytetit, grumbulluan nga familjet e tyre objekte artizanale dhe i prezantuan ato në stendat e 22 shkollave pjesmarrëse.

Të rinj të veshur me kostume tradicionale të paraardhësve të krahinës së Beratit sollën në pedonalen e qytetit objekte nga 50 deri në 500 vjeçare, nga ku krijuan një atmosferë festive për qytetarët e Beratit.

Drejtori i Drejtorisë Arsimore Rajonale Berat, Selman Hodaj thotë për Shqiptarja.com se panaire të këtij lloji janë instrumente që jo vetëm promovojnë vlerat e trashëgimisë së Beratit, por ndihmojnë në zhvillimin intelektual e kulturor të nxënësve.

Sipas Hodajt, bashkëpunimi me institucione si Dejtoria e Muzeut, e kthejnë shkollën në një komunitet ndërktiv që e integron nxënësin me kulturën dhe e kthen këtë të fundit në dije të një lloji të veçantë.




FOTO

Redaksia Online
Gre.M/Shqiptarja.com