Pandemia në Ballkan/ Bilanc tragjik në Rumani, 44 viktima dhe 1470 raste Covid në 24 orë

Pandemia e shkaktuar nga infeksioni i koronavirusit vazhdon të mbajë të mbërthyer Rumaninë.

Gjatë 24 orëve të fundit në vend janë regjistruar 1470 raste të reja të prekur nga Covid, dhe 44 viktima, teksa numri i përgjithshëm i atyre që kanë humbur jetën prej fillimit të pandemisë është rritur në 4792, kurse totali i infeksioneve ka shkuar në 125 414

Sllovenia ka raportuar 99 raste të reja koronavirusi dhe asnjë viktimë. Numri i të prekurve në vend është rritur në 5487 kurse vdekjet numërohen në 149

Kroacia ka regjistruar gjatë 24 orëve të fundit 135 raste të reja infeksioni dhe 3 vdekje.

Sipas autoriteteve shëndetësore, numri i përgjithshëm i personave të identifikuar të prekur nga Covid është rritur në 16380 kurse totali i viktimave 275. Gjithashtu ka patur edhe mbi 14 700 pacientë të shëruar.

Mali i Zi ka regjistruar gjatë 24 orëve të kaluara 128 raste dhe 5 viktima Covid. Numri total i të prekurve që nga fillimi i pandemisë është 10 441 kurse viktimat janë 163

TAG:
• Kroaci
• Rumani
• Ballkan
• pandemi
• covid