POP 5

Lajmet më të lexuara të 5 minutave të fundit

Kronikë

Pandemia rriti numrin e pelikanëve kaçurrel në Lagunën e Karavastasë

Pandemia e koronavirusit ka sjellë një gjë më të mirë në Lagunën e Karavastasë, ku gjendet ishulli i “pelikanit kaçurrel”, një monument natyror. Autoritetet thonë se është rritur numri i pelikanëve, ndërsa laguna është e vetmja pikë folezimi për “pelikanin kaçurrel” në Shqipëri. Globalisht, “pelikanët kaçurrel”, apo siç njihen ndryshe pelikanët dalmatë, klasifikohen si specie në prag të të qënit të rrezikuara për t’u zhdukur.

 

Kjo është pamja që të ofron Parku Kombëtar “Divjakë-Karavasta” në Shqipëri…

Një pelikan i quajtur “Johnny” e ka kthyer qendrën e strehimit këtu, në shtëpinë e tij gjatë tre viteve të fundit. “Johnny” nuk mund të fluturojë për shkak të lëndimit, por ai nuk ka frikë nga turistët që vijnë për ta parë.

Sipas Agjencisë Rajonale të Zonave të Mbrojtura, numri i çifteve pelikane riprodhuese këtu u rrit me një të pestën gjatë pandemisë së koronavirusit, nga 68 në vitin 2019, në 85 në vitin 2020. Në Lagunën e Karavastasë strehohen rreth 260 specie zogjsh.

Por “pelikanët kaçurrelë”, siç njihen ndryshe pelikanët dalmatë, janë “yjet e shfaqjes”. Kjo është kolonia e tyre e vetme që folezon në vend.

Globalisht, pelikanët dalmatë klasifikohen si “Afër të Kërcënuarve” në listën e kuqe të specieve të kërcënuara. Edhe në Lagunën e Karavastasë, gjatë viteve 2001-2003, numri i çifteve riprodhues ra deri në 19, krahasuar me 250 çifte një shekull më parë.

Në vitin 2014, Agjencia Rajonale e Zonave të Mbrojtura ndërhyri për të ndihmuar.

Nën drejtimin e Adrian Kocit, një ekip i vogël filloi të kujdeset dhe të krijojë kushte më të mira për pelikanët kaçurrelë. Dhe rezultati ishte i qartë, qindra pelikanë folezojnë në mënyrë paqësore, të pashqetësuar nga njerëzit.

Me qetësinë shtesë të sjellë nga pandemia, zoti Koci thotë se zogjtë janë riprodhuar edhe më shumë. Pavarësisht nga masat e marra, ai thotë se peshkimi intensiv vazhdon të zvogëlojë numrin e peshqve me të cilët pelikanët duhet të ushqehen.

Megjithëse pandemia solli qetësinë tek pelikanët, ajo gjithashtu uli numrin e vizitorëve në lagunë. Sipas statistikave gjatë vitit 2019 ishin 550 mijë vizitorë. Kjo shifër u përgjysmua në vitin 2020.

Tani qendra shpreson të tërheqë më shumë vizitorë, për të mbledhur fondet e nevojshme.

“Ne jemi këtu sepse ju keni natyrë shumë të bukur, specie vërtet të rrezikuara, jo të njëjtën natyrë siç mund të shihni në pjesë të tjera të Shqipërisë”, thotë Klara Perinova, turiste nga Republika Çeke.

Pavarësisht nga nevoja për vizitorë, zoti Koci thotë se ekipi i tij po përpiqet të ruajë natyrën e pa trazuar të lagunës.

Ekipi po u kërkon autoriteteve lokale të zëvendësojnë motorët e pesë varkave turistike me varka elektrike dhe po ashtu të instalojnë më shumë panele fotovoltaike për energji./ VOA

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51