POP 5

Lajmet më të lexuara të 5 minutave të fundit

Bota

Papa Françesku: 'Llafazanëria është punë grash'

Sipas faqes “Silere non possum”, ndërsa u këshillonte priftërinjve rishtarë të shmangin thashethemet në famulli dhe në kongregacione, papa është shprehur se “thashethemi është punë grash”

Papa Françesku: 'Llafazanëria është punë grash'

Papa Françesku

Një shprehje e Papa Françeskut, gjatë një takimi me dyer të mbyllura me priftërinjtë e rinj të Romës, po qarkullon në mediat italiane sot.  

Sipas faqes “Silere non possum”, ndërsa u këshillonte priftërinjve rishtarë të shmangin thashethemet në famulli dhe në kongregacione, papa është shprehur se “thashethemi është punë grash”.

Ati i Shenjtë ka shtuar se meshkujt "mbajnë pantallonat, ndaj duhet t’i thonë gjërat hapur”. Një shprehje kjo që e ka përdorur edhe në të shkuarën.

Në një audiencë në fillim të vitit 2023 me një grup klerikësh, Papa i ftoi ata të sillen si burrat dhe "t'i thonë gjërat në fytyrë", duke shmangur llafet pas shpine.

Kjo nuk ishte deklarata e vetme e Papës që bëri bujë në media. Për herë të parë, në takimin e djeshëm me dyer të mbyllura, duke iu përgjigjur një prifti të ri për situatën e dioqezës së Romës, Ati i Shenjtë pranoi se ka korrupsion.

"Ka probleme korrupsioni, pranoi Papa duke iu referuar Vikariatit. "Ajo që ndodh në dioqezë janë problemet e korrupsionit, dhe po e them hapur. Problemet e korrupsionit. Mundohem me peshkopët ndihmës të gjejmë zgjidhje për këtë, ta zgjidhim. Javën e kaluar mora informacion: kjo është problematike. Duhet të ulemi e të flasim për këtë”, ishin fjalët e Papa Françeskut.

 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 01/06/2024 04:59

    Thashethemet jane pune grash po aq sa perdhunimi e molestimi i femijeve eshte pune burrash perfshi dhe nga ata me veladon!

    Përgjigju
    • Pa emer: 02/06/2024 18:05

      Po kamikazet ku hyne te burrat opo te grate

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze