Papa Françesku bëri thirrje të dielën për bisedime mes Azerbajxhanit dhe Armenisë, për ta kthyer paqen në Nagorno-Karabak, duke shtuar se ky rajon është duke përjetuar krizë humanitare.
“E kam ndjekur situatën dramatike të zhvendosjes së njerëzve nga Nagorno-Karabakh në ditët e fundit dhe e përsëris thirrjen time për bisedime mes Azerbajxhanit dhe Armenisë, duke shpresuar se bisedimet mes palëve do ta sjellin një marrëveshje afatgjate, e cila do t’i japë fund krizës humanitare”, tha papa të dielën.
Më shumë se 100.000 refugjatë kanë mbërritur në Armeni që prej operacionit ushtarak të Azerbajxhanit për ta rimarrë kontrollin në Nagorno-Karabak, tha të shtunën Organizata e Kombeve të Bashkuara.
Më 28 shtator, liderët e Republikës së Nagorno-Karabakh kanë thënë se entiteti i tyre, i stilit separatist, do të pushojë së ekzistuari prej 1 janarit.
Presidenti i Karabakut, Samvel Shahramanian, tha se ky vendim është marrë pas situatës së krijuar dhe pasi Azerbajxhani e ka fituar kontrollin e plotë në këtë rajon.
Në dekretin e tij është përmendur arritja e një armëpushimi javën e kaluar për t’iu dhënë fund luftimeve.
Nagorno Karabaku, i njohur si Artsak nga armenët, është një zonë malore pa dalje në det, në Kaukazin e Jugut. Që nga rënia e Perandorisë ruse në vitin 1917, edhe Azerbajxhani, edhe Armenia thonë se kanë kontroll mbi të.
Territori njihet ndërkombëtarisht si pjesë e Azerbajxhanit, por banorët e tij janë kryesisht armenë etnikë dhe kanë Qeverinë e tyre, e cila ka pasur vazhdimisht lidhje të ngushta me Qeverinë në Armeninë fqinje, por nuk është njohur zyrtarisht prej saj apo shteteve të tjera anëtare të Organizatës së Kombeve të Bashkuara.
Armenët, të cilët janë të krishterë, pretendojnë se kanë një dominim të gjatë historik në këtë zonë, që daton disa shekuj para Krishtit. Azerbajxhani, banorët e të cilit janë kryesisht myslimanë, e lidh gjithashtu identitetin e tij historik me këtë territor. Ai i akuzon armenët për dëbimin e azerbajxhanasve që kanë jetuar aty në vitet 1990./REL
Lajme të tjera
-
At Luigj Paliq dhe Dom Gjon Gazulli shpallen martirë të Kishës Katolike me dekret të Papa Franceskut! Mbahet në Shkodër mesha e shenjtë
16 Nëntor, 14:34
-
Spiropali në Vatikan, pritet nga Papa Françesku: Mirënjohje për kontributin e paçmuar për Shqipërinë
28 Tetor, 15:56 -
Papa Françesku dënon ashpër abortin e fëmijëve: Mjekët që e kryejnë këtë procedurë janë vrasës
30 Shtator, 14:26 -
Sot 10-vjetori i vizitës në Shqipëri të Papa Françeskut, ministrja Kumbaro: I dhuruam dy simbolet më të bukura të traditës shqiptare
21 Shtator, 14:55 -
Sot, 10 vite nga vizita e Papa Franceskut në Shqipëri (FOTO)
21 Shtator, 08:43 -
'MED24'/ Tirana mbledh të rinjtë nga 25 shtete të botës! Videomesazhi i Papa Franceskut: Bëhuni zëri i atyre që s'dëgjohen! Jeni e ardhmja e Mesdheut
17 Shtator, 11:24 -
Harris apo Trump? Papa Françesku i kritikon ashpër: Si aborti, si refuzimi i emigrantëve janë kundër jetës! Duhet zgjedhur e keqja më e vogël
13 Shtator, 21:25 -
Vizita e Papës në Indonezi/ Arrestohen 7 terroristë të dyshuar: Po përgatitnin një sulm, u gjet edhe material propagandistik i ISIS!
7 Shtator, 08:00 -
Papa në Indonezi, vajza e verbër e pret me sure kurani (VIDEO)
5 Shtator, 21:02 -
Indonezi/ Papa Françesku: Feja të mos përdoret për konflikte! Kriza mjedisore, rrezik ekzistencial
5 Shtator, 17:26 -
‘Besra’ dhe ‘Andrino’, 2 mrekullitë që shenjtëruan Nënë Terezën
5 Shtator, 13:40 -
Papa Françesku dënon vendimin e Ukrainës për ndalimin e aktiviteteve të lidhura me Kishën Ortodokse Ruse
25 Gusht, 22:44
