Paralajmërimi i meteorologëve për temperatura shumë të ulëta, Agjencia e Mbrojtjes Civile thirrje qytetarëve të jenë të kujdesshëm: Jemi në gatishmëri

Foto ilustruese

Foto ilustruese

Meteorologët kanë parashikuar ditë të acarta, me temperatura ekstrem që në disa zona do të shënojnë edhe -18 gradë, ndërsa në Tiranë termometri do të shënojnë -8 gradë. Agjencia Kombëtare e Mbrojtjes Civili paralajmëron qytetarët që të tregohen të kujdesshëm dhe të ndjekin të gjitha këshillat e shtabeve të emergjencave në bashki, për të shmangur situata të rënda.

"Siç raportojnë edhe meteorologët, pritet që ditët në vazhdim temperaturat në Shqipëri të zbresin deri në -18 gradë Celsius në zona si Bulqiza apo Puka, ndërsa termometri në Tiranë pritet të zbresë deri në -8 gradë Celsius, afër zeros edhe në zonat bregdetare si Durrësi, ndërsa në Vlorë priten temperature deri në -1 gradë Celsius. Kulmi i temperaturave të ulëta pritet të jetë dita e hënë. Agjencia Kombëtare e Mbrojtjes Civile është në gatishmëri dhe në kontakt të vazhdueshëm me të gjitha njësitë vendore. Për të shmangur situata të rënda, ndiqni të gjitha këshillat e shtabeve të emergjencave në bashkitë e vendbanimit tuaj", thuhet në postimin e Agjencisë Kombëtare të Mbrojtjes Civile.

Ndërkohë, në një lidhje telefonike për Report Tv, meteorologia Lajda Porja u shpreh se vendi do të jetë nën ndikimin e temperaturave të ulëta deri të enjten e javës që vjen, ndërsa e premtja do të sjellë një rritje të lehtë me 1 deri në 2 gradë.

Si pasojë e temperaturave shumë të ulëta dhe mungesës së ngrohjes në shkolla, Ministria e Arsimit bëri me dije se do të mbyllen shkollat në të gjithë vendin për 3 ditë, nga data 24 deri më 26 janar.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë mendoni se do të favorizojë votimi i emigrantëve në zgjedhjet e ardhshme?



×

Lajmi i fundit

John

Trishtim për tifozët holandezë, ja si e përjetuan humbjen në rrugët e Tiranës