Paralajmërimi i Metës: Shpejt do
zbardhet e vërteta e 25 qershorit

Ish-kryetari i LSI, Ilir Meta ka folur për herë të parë pas zgjedhjeve të 25 qershorit duke lëshuar një paralajmërim.
 
Presidenti i zgjedhur, deklaroi se shumë shpejt do të zbardhet e vërteta për zgjedhjet e 25 qershorit, por pa folur konkretisht.
 
“Mirënjohës të gjithë votuesve të LSI në Durrës dhe gjithë Shqipërinë. Shumë shpejt do të zbardhet e vërteta e 25 qershorit.
 
Votuesit heroike të LSI shpëtuan demokracinë dhe të ardhmen e vendit, jam krenar që kam punuar me ju” u shpreh ai ndër të tjera.
 
Deklaratat Meta i bëri nga Durrësi, ku së bashku me Lefter Kokën falënderuan votuesit e LSI për besimin.
 
Meta ditën e zgjedhjeve ishte në qytetin e Lezhës pas incidentit duke akuzuar se “Policia në Lezhë paguhet për të mbrojtur qytetarët e jo kriminelët”. 


dy.b/shqiptarja.com