POP 5

Lajmet më të lexuara të 5 minutave të fundit

Kronikë

Parandalohet krimi në familje në Durrës, 53-vjeçari përleshet me 2 vëllezërit e tij, njëri plagoset! I gjenden armë e silenciator, të tre në pranga (Emrat)

Andrea Përkeqi sulmoi me thikë dy familjarët pas një konflikti, më parë u shpoi dhe gomat e furgonit. Hetohen motivet, arrestohen të tre. Sekuestrohen 2 pistoleta dhe municion, ngrihen katër akuza 

Parandalohet krimi në familje në Durrës, 53-vjeçari përleshet me 2 vëllezërit e tij, njëri plagoset! I gjenden armë e silenciator, të tre në pranga (Emrat)

Pamje nga arrestimi i një prej vëllezërve Përkeqi, në Durrës

Durrës- Një krim në familje u parandalua sot (10 Gusht) në qytetin e Durrësit nga policia, teksa 3 vëllezër janë përleshur mes tyre me armë të ftohta dhe sende të forta, pas një grindjeje me motive të dobëta.

Ngjarja ndodhi në zonën e Hamallajt dhe shkaktoi panik, teksa dinamika e krimit fillimisht pati një grindje mes familjeve që i ndante vetëm gardhi dhe më tej i dyshuari 53-vjeçar Andrea Përkeqi fillimisht ka shpuar me thikë gomat e furgonit dhe më tej sulmoi dy vëllezërit e tjerë.

Për pasojë një prej tyre mori plagë në dorë. Policia e sinjalizuar mbërriti në vendngjarje dhe parandaloi përshkallëzimin e mëtejshëm, duke arrestuar edhe të dyshuarit për vepra të ndryshme penale. Dy të ndaluarit e tjerë janë Luan dhe Ylli Përkeqi, respektivisht 49 dhe 43 vjeç. Si prova materiale janë sekuestruar edhe dy armë zjarri.

“Nga veprimet e shpejta rezultoi se gjatë një konflikti të çastit, për motive të dobëta, në oborrin e përbashkët të banesave të tyre, njëri prej vëllezërve, shtetasi A. P., (Andrea Përkeqi), ka dëmtuar me mjet prerës thikë gomat e një automjeti tip furgon, dhe më pas është konfliktuar fizikisht me dy vëllezërit e tij, shtetasit L. P. dhe Y. P., duke përdorur sende të forta dhe mjet prerës, ku si pasojë ka mbetur i dëmtuar në dorë shtetasi Y. P., jashtë rrezikut për jetën”, thuhet në njoftimin zyrtar.

Ndërhyrja e uniformave blu i çoi të dyshuarit në pranga dhe parandaloi përshkallëzimin.

Burime zyrtare sqaruan se “gjatë kontrollit të ushtruar në banesën e të dyshuarit, u gjetën dhe sekuestruan dy armë zjarri pistoleta, katër karikatorë për pistoletat, një silenciator i pamontuar dhe fishekë luftarakë”. Gjithashtu, u sekuestrua dhe mjeti prerës, thikë, i përdorur gjatë konfliktit.

Veprimet u kryen nga specialistët e Seksionit për Hetimin e Krimeve, teksa dosja i kaloi prokurorisë vendore, ku po merren në pyetje edhe tre familjarët e dyshuar për shkaqet e ngjarjes dramatike.

Akuzat ndaj tyre janë; "dhuna në familje", "mbajtja pa leje dhe prodhimi i armëve, armëve shpërthyese dhe municioneve", “prodhimi, mbajtja, blerja apo shitja pa leje e armëve të ftohta" dhe "shkatërrim prone" për të dyshuarin Andrea Përkeqi dhe “dhuna në familje” për dy të tjerët.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

26 Janar, 07:27