POP 5

Lajmet më të lexuara të 5 minutave të fundit

Sport

Paraqitje fantastike për Shqipërinë në Austri, Lara Colturi merr pikë për herë të 3 në Botëror

Skiatorja shqiptare Lara Colturi ka bërë një paraqitje mahnitëse në Botëror, duke u renditur e 20 në pistën e Austrisë. 16-vjeçarja e natyralizuar, e cila mori pikë për herë të tretë, garoi në kushte jo të duhura për shkak dëmtimi, ndërsa të enjten do garojë në disiplinën e Slalomit.

Për herë të tretë skiatorja shqiptare Lara Colturi ka arritur të marrë pikë në Botëror. 16-vjeçarja në Giant Slalom të Austrisë u rendit e 20 pavarësisht se zhvilloi një garë në kushte aspak të përshtatshme.

Edhe pse ishte me temperaturë Lara në hedhjen e parë arriti të kualifikohej si e 30. Kjo në një kohë kur u nis e 58 dhe pista ishte në kushte të këqija, duke i shkaktuar edhe disa lëndime në muskuj. Gjithsesi kjo nuk e pengoi Culturin të realizonte një hedhje të dytë spektakolare, që i dha mundësinë të renditej e 9. Në përfundim italiania e natyralizuar në shqiptare arriti të pozicionohej e 20.

Sa i takon garës së Botërorit në Austri ajo u fitua nga Mikaela Shiffrin, e cila udhëheq edhe renditjen e përgjithshme të Botërorit, ndërsa në podium u ngjitën edhe zvicerania Lara Gut-Behrami dhe italiania Marta Bisinno.

Në renditjen e përgjithshme Lara Colturi renditet e 63 me 31 pikë, duke fituar 9 pozicione nga hera e fundit. Për t’u mos u harruar që Colturi merr pjesë për herë të parë në Botëror dhe është e para skiatore 16-vjeçare në 50 vitet e fundit. Të enjten në orën 10:00 po në Austri Lara do të garojë në disiplinën e Slalomit.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?

Lajme të tjera



×

Lajmi i fundit

Ilir Beqaj në burg për dosjen SASPAC, i kërkon Apelit të GJKKO-së masë më të butë sigurie, avokatët: S' ka rrezik të ikë jashtë

Ilir Beqaj në burg për dosjen SASPAC, i kërkon Apelit të GJKKO-së masë më të butë sigurie, avokatët: S' ka rrezik të ikë jashtë

22 Korrik, 14:58