Paris, funksionari i prefekturës agresion ndaj forcave të rendit. Viktimat e sulmit me thikë janë 4 policë, Presidenti Macron në vendngjarje

Rreth orës 13 të ditës së sotme, në prefekturën e Ile-de-la Cité, në zemër të Parisit, vetëm pak hapa nga Notre Dame, jashtë selisë qëndrore të policisë në Paris, një burrë sulmoi disa oficerë policie.

Sipas 'Le Parisien', agresori ka vrarë të paktën 4 persona që dyshohet se janë policë me uniformë dhe civilë.

Agresori u vra nga zjarri i policisë ndërsa plagosi edhe disa të tjerë.

Për momentin, hetuesit duket se favorizojnë shkakun e një konflikti të brendshëm sesa një veprim terrorist.

Sipas rindërtimit të Le Figaro mund të ishte një krim pasioni: sulmuesi dyshohet se sulmoi një prej kolegëve të tij, një agjent në sektorin administrativ të prefekturës së Parisit.

45 vjecari vrasës, ka lindur në Fort-de-France në vitin1974 dhe mbart një handikap të vogël shurdhërie.

Burri i armatosur që me thikë shkaktoi viktimat, ishte një punonjës i Prefekturës me detyrë përgjegjës për IT dhe detyra të tjera administrative.

Në Twitter, Ratp - kompania që administron transportin publik parizian - njoftoi mbylljen e stacionit Cité, si "masë sigurie".

Në vendin e ngjarjes ka mbërritur edhe Presidenti i Republikës Emmanuel Macron për të treguar mbështetjen dhe solidaritetin e tij për të gjithë stafin e prefekturës. Ai u shoqërua nga Kryeministri, Eudouard Philippe, dhe Ministri i Brendshëm Christophe Castaner, si dhe Sekretari i Shtetit Laurent Nunez.

Deputetja Anne Hidalgo, në një postim në Twitter shkruan: Në emër të qeverisë dhe gjithë popullit francez, shpreh miqësinë dhe dashurinë tonë për forcat e policisë dhe familjet e viktimave. Ne jemi në anën e tyre

Ngjarja vjen vetëm një ditë pasi Policia Franceze ndërmori një grevë në të gjithë vendin lidhur me dhunën në rritje kundrejt efektiveve të reparteve të ruajtjes së rendit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Mbrojnë zemrën dhe ju ndihmojnë me gjumin, vlerat shëndetësore të kajsive

Mbrojnë zemrën dhe ju ndihmojnë me gjumin, vlerat shëndetësore të kajsive