Paris, hajdutët vjedhin verë 600 000 euro në “Maison Rostang”

Sipas agjencisë AFP, të paktën 150 shishe vere të cilësisë së lartë, të vlerësuara rreth 600 000 euro, u vodhën në një restorant në Paris.

Keqbërësit hynë në kantinën e “Maison Rostang”, që ndodhet pranë Harkut të Triumfit dhe që ishte duke u restauruar, duke hapur një vrimë në mur me diametër 50 centimetra.

Pasi u futën në ambjentet e kantinës, hajdutët vodhën të paktën 150 shishe verë nga më të shtrenjtat në botë.

Në nëntor të vitit 2017, 69 shishe uiski me një vlerë total prej 700 000 eurosh u vodh në një dyqan luksi në Paris.

TAG:
• Paris
• Maison Rostang