Paris/ Dy të plagosur me thikë pranë selisë së satirikes ‘Charlie Hebdo’, arrestohet 18 vjeçari pakistanez (FOTO)

Paris/ Dy të plagosur me thikë pranë selisë së satirikes ‘Charlie Hebdo’, arrestohet 18 vjeçari pakistanez  (FOTO)

Të paktën dy persona janë plagosur pranë selisë së satirikes franceze ‘Charlie Hebdo’ në Paris ndërsa forcat e antiterrorist dhe policia kanë rrethuar zonën.

Sipas disa raportimeve sulmi ka ndodhur në afërsi të ndërtesës ku deri para pak kohesh ishte selia e ‘Charlie Hebdo’.

Sipas informacioneve paraprake, dy persona, një grua dhe një burrë, janë goditur me thikë dhe janë në gjendje kritike.

Kryeministri francez Jean Castex u shpreh se ky është një sulm i armatosur ndoshta terrorist.

Një zyrtar i policisë tha se oficerët kanë rrethuar zonën duke përfshirë ish zyrat e Charlie Hebdo pasi një paketë e dyshimtë u pa afër. Gjithashtu bëhet e ditur se janë arrestuar dy të dyshuar, njëri prej të cilëve 18 vjeç me origjinë nga Pakistani, ishte i mbuluar nga njolla gjaku. I njohur si Ali H agresori në momentin e ndalimit nuk bëri rezistencë. Sipas policisë ai ka të kaluar me krime të vogla e të zakonshme.

Të plagosurit  janë dy punonjës të agjencisë së lajmeve Premiére Ligne

Gazetarët e Premiére Ligne ishin të parët që përhapën, pas sulmit të Charlie Hebdo  në 2015, imazhet e dy vrasësve, vëllezërve Kouachi , të arratisur pas masakrës.

Revista franceze Charlie Hebdo ndryshoi selinë në 2015 , pas sulmeve në të cilat u vranë dymbëdhjetë njerëz. Adresa e redaksisë së re mbahet e fshehtë.

Goditja me thikë ndodhi ndërsa po zhvillohej gjyqi për bashkëpunëtorët e dyshuar në sulmin e Janarit 2015 ndaj zyrave të revistës, i cili la të vdekur 12 persona.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Si Lulzim Basha u dënua nga gjykata për shpifje për rastin e Olsi Ramës

Si Lulzim Basha u dënua nga gjykata për shpifje për rastin e Olsi Ramës