POP 5

Lajmet më të lexuara të 5 minutave të fundit

Kronikë

Parkimi me pagesë, ja si mund të paguani më pak

Prej datës 16 Mars ka nisur tarifimi i vendparkimeve në disa rrugë të tjera që janë përcaktuar si pjesë përbërëse e Zonës B në kryeqytet. Por në ndryshim nga rrugët e Zonës A, tarifa e parkimit në rrugët e Zonës B është vetëm 40 lekë ora.
Parkimi me pagesë, ja si mund të paguani më pak

Prej datës 16 Mars ka nisur tarifimi i vendparkimeve në disa rrugë të tjera që janë përcaktuar si pjesë përbërëse e Zonës B në kryeqytet. Por në ndryshim nga rrugët e Zonës A, ku parkimi me pagesë është 100 lekë ora, tarifa e parkimit në rrugët e Zonës B është vetëm 40 lekë ora.

Ndaj për të shmangur çdo lloj keqkuptimi dhe ngatërrese me masën e tarifimit të parkimit publik, është e nevojshme që qytetarët që zotërojnë automjete duhet të jenë të saktë në momentin e dërgimit të mesazhit për pagesën e parkimit. Tirana Parking i ka bërë thirrje qytetarëve të Tiranës që të jenë të vëmendshëm për të evituar çdo lloj ngatërrese që do sillte një tarifim me vlerë më të madhe se ai që është përcaktuar për Zonën B.      

“Në rast se jeni duke parkuar në një nga 10 rrugët e Zonës B, ku pagesa e parkimit kryhet vetëm me një SMS në numrin 50500 (1 orë/40 lekë), ju lutemi të tregoni kujdes në dërgimin e mesazhit duke shkruar Targën e automjetit, HAPËSIRË, Zonën e tarifimit. Shembull (AA111AZ B) ose (TR2345Z B). Shkrimi i targës duhet të jetë pa hapësira”, shkruan Tirana Parking në thirrjen e saj për qytetarët.

Rrugët e Zonës B, të miratuara në VKB Nr. 49 datë 11.11.2015, me tarifën 1 orë/40 Lekë janë:

1. BLV. Zhan D'Ark (Seg. Arkitekt Kasemi - Odhise Grillo)

2. Petro Nini Luarasi

3. BLV. Bajram Curri (Seg. Kavajës - Sulejman Delvina)

4. Janosh Huniadi

5. Liman Kaba

6. Perlat Rexhepi

7. Dëshmorët e 4 Shkurtit

8. Skënder Luarasi

9. BLV. Bajram Curri (Seg. Konti Leopold - Teodor Muzaka)

10. Rr. e Kavajës (Seg. 21 Dhjetori - Pallati me shigjeta)

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Spanjë/ Futën në Evropë 2 mijë tonë veshje sportive të falsifikuara, çmontohet organizata kineze, 73 të arrestuar! Sekuestrohet 12,5 mln euro mall

Spanjë/ Futën në Evropë 2 mijë tonë veshje sportive të falsifikuara, çmontohet organizata kineze, 73 të arrestuar! Sekuestrohet 12,5 mln euro mall

27 Dhjetor, 21:16