TIRANE- Parkimet publike në kryeqytet do të jenë me pagesë, ndërkohë që për vjeljen e saj do të jetë një firmë private e cila do të marrë koncesionin nga Bashkia e Tiranës.

Sipas propozimit të bërë dje në Këshill Bashkiak do të jenë 7 mijë vend parkimi në të gjithë kryeqytetin të cilat do të jepen me pagesë dhe kjo kryesisht në bulevardet qendrore, rrugët kryesore dhe ato dytësore. Sipas projektvendimit ky koncesion parashikohet të jepet për 35 vjet një firme private, dhe të ardhurat për Bashkinë e Tiranës të jenë vetëm 10%.