POP 5

Lajmet më të lexuara të 5 minutave të fundit

Kronikë

Parkimi nëntokësor, ja si
ndryshon qarkullimi i automjeteve

Zona rreth stadiumit “Qemal Stafa”do të bllokohet kurse automjetet do të lëvizin sipas një skeme të re. Kjo pasi Bashkia e Tiranës njoftoi nisjen e punimeve për ndërtimin e parkimit nëntokësor të sheshi “Italia”.
Parkimi nëntokësor, ja si <br />ndryshon qarkullimi i automjeteve
TIRANE- Së shpejti nisin punimet për ndërtimin e parkimit nëntokësor në Tiranë, ndërsa bashkia e Tiranës ka vendosur të ndryshojë skemën e lëvizjes së automjeteve në zonën pranë stadiumit “Qemal Stafa”. Sheshi “Italia”, ku është parashikuar të ngrihet parkimi do të bllokohet për qarkullim, kurse automjetet do të lëvizin në rrugën mbrapa stadiumit “Qemal Stafa, në rrugën “Dervish Hima”, për tu lidhur pastaj me rrugën e “Elbasanit”. Rruga mbrapa stadiumit “Qemal Stafa” dhe “Dervish Hima” do të jenë me dy sense dhe me ndalim qëndrimi 24 orë. Bashkia deklaroi se në bashkëpunim me Policinë Bashkiake do njoftojë gjithë rezidentët e zonës si dhe subjektet private për skemën e re të lëvizjes.

HISTORIA E PARKIMIT NENTOKESOR

Në fakt, ky projekt nuk është gjë tjetër veçse projekti i shpallur fitues nga ish-kryebashkiaku Edi Rama, por që nuk mundi ta kalojë në këshill, pasi ai u bllokua për dy vite me radhë. Parkimi që sipas projektit do të përfundojë më 2013-ën, do të ketë 1008 vendparkime. Sipas kontratës, e cila nuk ka ndryshuar asgjë dhe me të cilën administrata e Ramës ka shpallur fitues "Gener 2", afati i përfundimit të punimeve është një vit pas nisjes së tyre, ndërsa i gjithë parkimi nëntokësor do të jepet me koncension për 35 vjet. Vlera totale e investimit parashikohet të jetë 1.638.020.000 lekë.
Marrëveshja koncesionare për ndërtimin e parkimit nëntokësor në Tiranë është paditur në prokurori nga grupi i këshilltarëvë socialistë të Bashkisë së Tiranës. Këta e cilsojne marrëveshjen koncesionare me “Gener 2” të paligjshme pasi është anashkaluar këshilli bashkiak. Vendimin e kishte kthyer më parë për të njëjtin shkak dhe prefekti i Tiranës Keltis Kruja.(ns/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Media: Armëpushimi në Liban do të shpallet sonte pas orës 22:00

Media: Armëpushimi në Liban do të shpallet sonte pas orës 22:00

26 Nëntor, 15:21