Pas një vonese mbi një vjeçare, parlamenti turk pritet të miratojë të martën anëtarësimin e Suedisë në NATO. Vendimi pason miratimin nga Komisioni i Parlamentit turk për Marrëdhëniet me Jashtë të kërkesës së Stokholmit për anëtarësim në aleancën perëndimore muajin e kaluar.
Në vitin 2022, Suedia dhe Finlanda aplikuan për anëtarësim në NATO. Ndonëse Finlanda përfundimisht u bë anëtare e NATO-s në prill të vitit 2023, Turqia nuk pranoi të ratifikonte kandidaturën e Suedisë, një vendim që zemëroi aleatët e saj perëndimorë.
Fillimisht, Turqia refuzoi të miratonte anëtarësimin e Suedisë me pretendimin se vendi nordik po mbronte anëtarët e Partisë së Punëtorëve të Kurdistanit (PKK), e cila konsiderohet organizatë terroriste nga Turqia, Bashkimi Evropian dhe Shtetet e Bashkuara.
Që atëherë, Suedia ka paraqitur një projekt-ligj kundër terrorizmit që e bën të paligjshëm anëtarësimin në një organizatë terroriste.
Suedia, Kanadaja, Finlanda dhe Holanda gjithashtu kanë zbutur politikat e eksportit të armëve për Turqinë. Megjithatë, presidenti turk Rexhep Tajip Erdogan e ka lidhur ratifikimin e ardhshëm me miratimin e vonuar të shitjes së avionëve luftarakë F-16 nga Shtetet e Bashkuara për Turqinë. Shtëpia e Bardhë mbështet shitjen e këtyre avionëve, por afati kohor për miratimin e këtij vendimi nga Kongresi nuk është i qartë.
Pavarësisht kësaj pengese, Sekretari amerikan i Shtetit Antony Blinken tha pas bisedimeve me ministrin e Jashtëm turk Hakan Fidan këtë muaj se Turqia ka të ngjarë të ratifikojë së shpejti kërkesën e Suedisë për anëtarësim, duke e lënë Hungarinë pengesë të vetme për hyrjen e Suedisë në NATO.
Pavarësisht nga miratimi i mundshëm i Turqisë për anëtarësimin e Suedisë në NATO, Hungaria ka vonuar marrjen e një vendimi mbi hyrjen e vendit nordik në aleancën perëndimore.
Hungaria thotë se Suedia ka patur një "qëndrim haptazi armiqësor" ndaj Budapestit prej vitesh dhe është e zemëruar për kritikat e Suedisë ndaj kryeministrit hungarez Viktor Orban mbi erozionin e perceptuar të shtetit ligjor. Kryeministri Orban i ka mohuar akuzat e qeverisë suedeze.
Shefi i personelit të zyrës së Kryeministrit Orban, Gergely Gulyas, vuri në dukje të enjten e kaluar mungesën e "hapave të ndërtimit të besimit" nga Stokholmi për të përmirësuar marrëdhëniet me Budapestin, që do të mund të ndihmonin në ratifikimin e kërkesës së Suedisë për anëtarësim në NATO./VOA
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Shefi i NATO-s takohet me Trumpin në Florida
23 Nëntor, 12:35 -
Mourinho telefonon Ronaldon, e fton të rikthehet në Evropë! Gati klubi i ri
22 Nëntor, 16:08 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
Tentoi të nxirrte rreth 30 mijë euro nga Kapshtica, nën hetim 50-vjeçari turk! Paratë iu gjetën të fshehura në çantë në kabinën e kamionit
21 Nëntor, 09:51 -
Finlanda i bashkohet Suedisë, çel hetimet për kabllot prera të transmetimit të të dhënave në Detin Baltik
21 Nëntor, 08:41 -
Trump zgjedh Matthew Whitaker për postin e ambasadorit në NATO
20 Nëntor, 19:15 -
Ish-ministrja e Mbrojtjes e Maqedonisë së Veriut emërohet zv.sekretare e NATO-s
19 Nëntor, 13:19 -
Suedia dhe Finlanda u bëjnë thirrje banorëve të bëhen gati për mundësinë e luftës
18 Nëntor, 16:29 -
Kim Jong Un kërkon zgjerimin e forcave bërthamore të Koresë së Veriut
18 Nëntor, 08:30 -
‘Urban Operation 24’, Toga e Këmbësorisë mbyll me sukses stërvitjen në Bullgari, Vengu: Dëshmi e investimit në ushtri, angazhim për paqe dhe stabilitet bashkë me NATO-n (VIDEO)
17 Nëntor, 16:04 -
‘Po flirton me Erdoganin dhe Ramën’, Mitsotakis përjashton nga partia Demokracia e Re ish-kryeministrin Samaras
16 Nëntor, 16:49
