POP 5

Lajmet më të lexuara të 5 minutave të fundit

VIP & Spektakël

Paro: S'më vjen aspak keq që i kam kënduar Enverit, kënga u ka mbetur njerëzve në mendje (VIDEO)

Ashtu si shumë artistë shqiptarë, edhe Paro e nisi karrierën e saj në Festivalet e Gjirokastrës ku mes dhjetra këngësh, do të mbahet mend veçanërisht edhe për "Rrofsh sa moshë e kësaj toke", këngën që këndoi bashkë me grupin e Bënçës përpara ish liderit komunist Enver Hoxha. E ftuar sot në emisionin "Rreze Dielli" në Report TV, Paro tha se nuk ndihet aspak keq që i pati kënduar diktatorit, pasi e tillë ishte koha.

Me mbi gjysmë shekulli duke kënduar, Përparime Ziflaj, apo siç të gjithë e njohin, Paro është një nga zërat më të veçantë dhe të magjishëm të muzikës popullore. Ashtu si shumë artistë shqiptarë, edhe Paro e nisi karrierën e saj në Festivalet e Gjirokastrës ku mes dhjetra këngësh, do të mbahet mend veçanërisht edhe për "Rrofsh sa moshë e kësaj toke", këngën që këndoi bashkë me grupin e Bënçës përpara ish liderit komunist Enver Hoxha.

 

Kënga për Enver Hoxhën

E ftuar sot në emisionin "Rreze Dielli" në Report TV, Paro tha se nuk ndihet aspak keq që i pati kënduar diktatorit, pasi e tillë ishte koha.

Në fakt kemi patur disa këngë të suksesshme nëpër festivale por një që ka mbetur në mendje dhe e kam dhe sot, pavarësisht se i këndohej liderit Enver Hoxha, ajo ka mbetur në mendjet e njerëzve. Ishte teksti pikant dhe shumë i bukur. Kënga titullohej "Rrofsh sa moshë e kësaj toke". Mua s'më vjen aspak keq sepse në fund të fundit ne e kishim punë, na e kërkonte koha për të bërë diçka të bukur. Si sot përshembull që këndojmë për nuset, për dasmën apo për të tjera. Në atë kohë, atyre u këndohej. Por kemi kënduar edhe për fshatin, koperativën, për lulet etj.

Paro Ziflaj, këngëtare

Madje këngëtarja tha se kënga e famshme që përloti Enver Hoxhën, kishte një tekst të veçantë dhe u ka mbetur në mendje shumë njerëzve.

Këngëtarja Paro në studion e "Rreze Dielli"

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • UNE: 13/03/2019 19:50

    GRATE E TEPELENES KANE VIRTYTIN E MENCURISE E CILTERSISE. PERGJIGJE E MENCUR PER KENGEN E HOXHES ARTISTE JE.

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Ministri gjerman: Synimi i Putinit s’është Ukraina, por Evropa

Ministri gjerman: Synimi i Putinit s’është Ukraina, por Evropa

28 Prill, 08:17