Partia e Lirisë denoncon se edhe drafti i dytë i hedhur për konsultim publik, u mban peng diplomat studentëve të Mjekësisë. Anëtarja e kryesisë Arla Merja thotë se kjo nuk është rruga e duhur për të ndalur shpopullimin, por duke i krijuar kushte e arsim cilësor.
"Nuk do të ndalojmë së rithënuri se shpopullimi nuk ndalet, duke i marrë peng diplomën studentëve të mjekesisë. Por , duke i krijuar kushte pune, duke i mbështetur, investuar në arsim cilësor dhe shërbim shëndetesor cilësor. Largimi i të rinjve shqiptarë ka sjellë si pasojë mbylljen e dhjetëra degëve të studimit në universitetet e vendit. Në krahasim me vetëm një vit më parë, në auditore janë 4300 studentë më pak. Dhjetëra programe studimi mbyllen çdo vit. Degët e mësuesisë si kimia, matematika, fizika, madje edhe gjuhë-letërsia, kanë minimumin historik të studentëve, ndërsa 100 degë të tjera rrezikojnë të mbyllen vitin tjetër" thote Merja.
Merja tregon programin e Partisë së Lirisë
"Ne do ndërmarrim reforma të thella, në mënyrë që të arrijmë nivel pagash mbi mesataren e rajonit. Ne vetëm në një mandat qeverisjeje, ne synojmë dyfishimin e pagave të mesuesve dhe mjekeve si dy sektor kyç për një jetë dinjitoze për qytetaret tanë. Dyfishimin e buxhetit për arsimin, kërkimin shkencor dhe inovacionin, pasi ne besojmë se investimi në kapitalin njerëzor sot është emergjencë kombëtare dhe e vetmja mënyrë për të përballuar sfidat e një ekonomie konkurruese me rajonin dhe vendet e BE-së. Mësuesia do të konsiderohen degë prioritare dhe do të shoqërohet me mbështetje financiare për studentët dhe mësuesit.
Ne nuk mund të lejojmë brezat që po vijnë të mbeten pa mësues në degë si mësuesia, kimia, fizika dhe shkenca, pasi vetëm edukimi mund të përgatisi brezat e së ardhmes, dhe ndërtimin e një shoqerie të zhvilluar. Gjithashtu ne do bëjmë një reformë të thellë në kurrikulat shkollore pasi dështimi spektakolar në Testin Piza, i dha një shuplakë propagandës dhe pseudoreformës së kurrikulave të 2019" shtoi Merja.
Partia e Lirisë nënvizon se arsimi si prioritet Kombëtar nuk është një retorike politike, por një emergjencë kombëtare për të cilën duhet të veprojmë sot, pasi nesër mund të jetë shumë vonë.
Lajme të tjera
-
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
34-vjetori i themelimit të PD, Meta uron Berishën nga burgu: PD më e bashkuar! 2025 do të jetë viti i një ndryshimi historik
12 Dhjetor, 11:16 -
Denoncimi i Partisë së Lirisë në Lezhë: PS shantazh administratës për vota
9 Dhjetor, 14:49
-
Mars 2008/ Akuza e rëndë në sallën e kuvendit, Ilir Meta: Ju nuk e dini, por Sali Berisha ka qenë kundër bombardimeve të NATO-s në Kosovë
7 Dhjetor, 11:33 -
'Berisha u ndihmua nga Suel Çela', Haklaj: Ilir Meta me 20 shtëpi, ngre militantët në protestë
6 Dhjetor, 19:37 -
Berisha tregon pse braktisi protestën e Metës: Ishim të ftuar, por e organizoi PL, jo koalicioni
6 Dhjetor, 15:10 -
Report Tv sjell pamjet me dron, një grusht militantësh në protestën e PL para SPAK
6 Dhjetor, 13:24 -
Militantët e PL protestë para SPAK: Drejtësi me regji! Meta sulm Dumanit nga burgu: Mercenar i Ramës! Braktisen nga Berisha e PD! Pamjet me DRON
6 Dhjetor, 11:42 -
Shpallen rezultatet e vlerësimit ndërkombëtar TIMSS 2023: Shqipëria shënon progres në Matematikë dhe Shkencë, lë pas edhe vende të BE-së
4 Dhjetor, 18:40 -
Buxheti 2025, ekspertët: Shumë para në sasi, por pak cilësi, nuk ka politika të reja! Gjokutaj: Fokusi duhej te arsimi
2 Dhjetor, 17:10
