Anëtari i kryesisë së Partisë së Lirisë Kristian Kina, në një deklaratë për mediat nga selia e kësaj partie ka folur në lidhje me emigrimin e shqiptarëve jashtë vendit dhe arsyet se përse qytetarët zgjedhin të rrezikojnë jetën vetëm që të mos jetojnë në një vend që sipas tij po zhytet në papunësi.
Kina tha se të gjitha duhet të kenë sytë nga ndryshimi që pritet të ndodhë më 14 maj, ndërsa shtoi se çdo ditë që kryeministri Rama qëndron në pushtet, vendi rrezikohet nga shuarja dhe shpopullimi.
Deklarata e plotë
Pak ditë më pare, u bë i njohur për publikun një studim shokues: Shifrat e personave që kanë kërkuar azil në Angli, për vitin 2022! Të gjithë menduam se vendet në luftë do të kryesonin listën në këtë aspekt, sepse pasiguria fizike për jetën menduam se mund të prevalonte mbi gjithcka! Por u gabuam! Edhe në këtë rast, banda e Rilindjes ka thyer çdo rekord dhe çdo rregull të filozofisë psikologjike! Ashtu si një eksperiment social, Edi Rama po i tregon botës se: Kur mblidhen bashkë papunësia, rrogat e ulëta, korrupsioni i pafre, nepotizmi partiak, mungesa e ndëshkueshmërise ,krijojnë një frikë më të madhe sesa frika për jetën!
Dhe kjo frikë i imponon njerëzit që të largohen, të largohen pa u menduar 2 herë e për të mos u kthyer më kurrë! Vendi që kryesonte renditjen në studim, siç kuptohet qartë, nuk ishin ato vende të cilat ishin ne luftë por një vend tjetër.... Shqipëria jonë ! Ndërkohë që, nga Pakistani ishin afro 2'000 persona që kishin kërkuar azil në Angli, nga Shqipëria ishin plot 16'000.
16 mijë shqiptarë që kanë ikur nga Shqipëria në Angli në vitin 2022 dhe kërkojnë azil! Ndërkohë që, nga Sudani, India, Eritrea, Bangladeshi, Siria ishin afro 3000-4000 persona, nga Shqipëria 16'000 . Çfarë krahasimi dëshpërues! Të vetmet rivale tonat, edhe pse në fakt, ne ishim me goxha avantazh, ishin Irani dhe Afganistani, përkatësisht me 9'000 dhe 10'000 azilkërkues. Pra, ky është niveli ku na ka degdisur kjo qeveri! Vëllezërit dhe motrat tona po ikin të tmerruar nga ky vend! Kush me maune, kush me gomone, kush me skafe e kush me dokumente jo të ligjshme, po ikin!
Po ikin te gjithë! Eksodi masiv i viteve '90 po përsëritet! Shqipëria po zbrazet! Nëpër qytete, kanë ngelur të vetmuar vetëm mosha e tretë! Pyetja që të gjithë shtrojmë për diskutim është: Ore pse po ikin gjithë këta shqiptarë, nqs vendi është në lulëzim, siç përpiqet të na tregojë Edi Rama? Nqs vendi ka rritje ekonomike, siç na thotë agjit-propi i regjimit, atëherë a nuk duhej që shqiptarët të jetonin të kënaqur këtu, dhe jo të arratiseshin me keq se në luftë? Pse po ikin kukësianet ne Angli,fierakët, vlonjatët , shkodranët, dhe mbarë shqiptarët nga trojet e tyre, nga familjet e tyre, nga kjo tokë dhe klimë e mrekullueshme?
Të dashur vëllezër dhe motra! Është e vërtetë që Shqipëria nuk ka lindur nga Edi Rama, por tashmë po rrezikohet seriozisht që Shqipëria të shuhet nga ky njeri me këtë emër ! Çdo ditë e më shumë, që ky Kryeministër qëndron në fuqi, aq më shumë rreziqe i kanosen Shqipërisë sonë! Sot kërkohet rezistencë! Sot kërkohet mobilizim! Vendi thërret për bijtë e tij patriotë, për rikthimin e demokracisë një orë e më parë, për organizim kapilar për të rikthyer shpresën e munguar !
Dita e parë vendimtare është 14 Maji! 14 Maji do të simbolizojë ditën e fitores mbi monizmin, do të simbolizojë ditën kur do të rikthehet llogaridhënia, ku do të fillojë të buçasë e vërteta e lirë nëpër tribunat bashkiake dhe hallet e shqiptarëve të dëgjohen e të zgjidhen denjësisht ! Të gjithë me sytë drejt 14 Majit, si dita e shpëtimit, si dita e çlirimit! Kërkohet: Ndryshim me çdo çmim! Faleminderit!
Komente
Lajme të tjera
-
Partia e Lirisë: Trafiku në Tiranë se qeveria çon miliona euro tendera, për rrugë që kanë nisur e s’dihet kur mbarojnë
22 Dhjetor, 13:35 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
34-vjetori i themelimit të PD, Meta uron Berishën nga burgu: PD më e bashkuar! 2025 do të jetë viti i një ndryshimi historik
12 Dhjetor, 11:16 -
Denoncimi i Partisë së Lirisë në Lezhë: PS shantazh administratës për vota
9 Dhjetor, 14:49
-
Mars 2008/ Akuza e rëndë në sallën e kuvendit, Ilir Meta: Ju nuk e dini, por Sali Berisha ka qenë kundër bombardimeve të NATO-s në Kosovë
7 Dhjetor, 11:33 -
'Berisha u ndihmua nga Suel Çela', Haklaj: Ilir Meta me 20 shtëpi, ngre militantët në protestë
6 Dhjetor, 19:37 -
Berisha tregon pse braktisi protestën e Metës: Ishim të ftuar, por e organizoi PL, jo koalicioni
6 Dhjetor, 15:10 -
Report Tv sjell pamjet me dron, një grusht militantësh në protestën e PL para SPAK
6 Dhjetor, 13:24 -
Militantët e PL protestë para SPAK: Drejtësi me regji! Meta sulm Dumanit nga burgu: Mercenar i Ramës! Braktisen nga Berisha e PD! Pamjet me DRON
6 Dhjetor, 11:42 -
Partia e Lirisë kërkon shtimin e mbi 45 mld lekëve për Buxhetin 2025! Xhixho: Depozituam 11 amendamente në Kuvend, buxheti i Ramës për oligarkët
28 Nëntor, 18:27
Mbiemrin e ka Kina dhe flet pet emigracionin shqiptare e ka zgjedhur Iliri per qef.Te shikojn te tregojn ndonje plan konkeret per zgjedhjet vendore se shifrat e reklamuara te emigrimit jane ceshteje te tjeter institucioni.Ju besua detura si president i vendit per te punuar per te jo per te tradhtuat duke nxjere sekrete dhe duke vjedhur buxhetin! Gjykata e Hages per karaktere si Iliri eshte ngritur!
Përgjigju