Partizani 'bie' në Hungari, Vashash e mposht në ndeshjen vajtëse të Champions League (VIDEO)

Skuadra e Partizanit në Volejboll për femra është mposhtur 3-0 me sete në ndeshjen e vajtjes për turin e tretë të Champions League kundër skuadrës hungareze të Vashashit.

Vendasit e filluan sfidën me shumë vrullë dhe që në fillim u kuptua se për Partizanin do të ishte shumë e vështirë. Skuadra e drejtuar nga turku Sancak hasi probleme me topin e parë dhe seti hapës u mbyll 25-19. Në setin e dytë Partizani e nisi shumë mirë duke shkuar në 4-8 me pikë, por gjithsesi skuadra nga Budapesti e mbylli 25-20.

Në setin e tretë Vashash pati supermaci të theksuar dhe e mbylli 26-16 me pikë. Në fund një humbje që erdhi edhe si pasojë e mungesës së dy lojtarëve të huaja të cilat nuk morën dot vizat.

Gjithsesi Partizani premton se ndeshjen e kthimit do të bëjë të pamundurën për t’u kualifikuar në fazën e grupeve, por për ta bërë diçka të tillë në ndeshjen e kthimit duhet një fitore 3-0 ose 3-1 me sete, për ta dërguar sfidën në golden set.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lindon Selahi 'sms' Sylvinhos: Trajneri s'më ka telefonuar, kam shpresa për Europianin

Lindon Selahi 'sms' Sylvinhos: Trajneri s'më ka telefonuar, kam shpresa për Europianin